MIAKA 10 YA MAFANIKIO YA MFUKO WA UWEKEZAJI TANZANIA UTT

Dhamana ya Uwekezaji Tanzania ilianzishwa tarehe 19 juni, 2003. Tangu kuanzishwa kwake, Dhamana ya Uwekezaji Tanzania imeendelea kutekeleza madhumuni yake. Mojwapo ya madhumuni ya Dhamana ya Uwekezaji Tanzania ni kuanzisha na kuendesha mifuko ya uwekezaji wa pamoja hapa nchini. Katika kufanikisha madhumuni yake, Dhamana ya Uwekezaji Tanzania imeweza kupata mafanikio ya kuanzisha mifuko mitano ya uwekezaji wa pamoja, ambayo hadi kufikia tarehe 08/07/2013 imekuwa na jumla ya wawekezaji hai wapatao 91,516.

Ofisa Mtendaji Mkuu wa Mfuko wa Dhamana ya Uwekezaji Tanzania (UTT), Hamis Kibola akifafanua jambo wakati wa mkutano na waandishi wa habari jijini Dar es salaam kuhusu shughuli za mfuko huo tangu kuanzishwa kwake mwaka 2003 ambapo unatimiza miaka 10. Kushoto ni Kaimu Ofisa Uendeshaji Mkuu Uwekezaji, Rashid Mchatta.