Dande Contanct

KWA MAWASILIANO ZAIDI. E-mail: dande15us@gmail.com.

CRDB

CRDB
.

UTT

UTT
.

NSSF-SHIB

.

.

Pages

MRADI WA UTOAJI HUDUMA ZA JAMII KWA UMMA WAZINDULIWA ZANZIBAR

Na Mauwa Muhammed, Zanzibar

Taasisi zisizo za kiserikali zimezindua mradi wa uwajibikaji katika jukumu la utoaji wa  huduma za jamii kwa umma zinazotekeleza mamlaka ya maendeleo ya serikali za mitaa.

Akizindua mradi huo wa kuinua uwajibikaji katika utoaji wa huduma Mkurugenzi Mtendaji wa TAMWA, Mzuri Issa, huko katika ofisi yao iliyopo Tunguu Wilaya ya Kati Unguja.

Amesema mradi huo unahitaji mashirikiano ya pamoja na mamlaka ya Halmashauri na ofisi za Wilaya ambazo ndizo zinazosimamia utoaji wa huduma kwa jamii kupitia utaratibu mpya wa ugatuzi wa madaraka.

Amesema miongozi mwa mambo yanayohimizwa katika kutekeleza mradi huo ni kuimarisha mifumo ya kitasisi na sheria ili kuirahisishia ushirikishwaji imara kwa wananchi kuanzia upangaji na utekelezaji wa mipango ya maendeleo katika maeneo yao.

Mradi huo unashirikisha wilaya sita za Zanzibar, unatekelezwa na TAMWA kwa kushirikiana na Jumuiya ya Wandishi wa habari za maendeleo  Zanzibar (Wahamaza) na jumuiya ya uhifadhi wa mazingira pemba (Ngeraneko). 

Wilaya wenyewe ni Kaskazini A,Kati,Kusini kwa Kisiwa cha Unguja Ungja na Wete,Chake Chake na Micheweni kwa Wilaya za Pemba ambapo mradi huo utachukua miezi kuminatano.

Bi Asha Aboud Muwasilishaji wa ripoti ya utafiti waliofanya wa uwiyano wa sheria ya serikali za mitaa Zanzibar na sera za utawala bora kumebainika kuwepo na kasoro katika suala la ushirikishwaji wananchi katika mipango inayohusu maendeleo yao.

Alisema moja ya msingi wa utawala bora ni ushirikishwaji wa wananchi wawe pamoja katika kutoa mamuzi na pia wawe pamoja katika mapato na matumizi.

Ni vyema kuona wananchi wana sehemu katika halamshauri wanatakiwa kushiriki na kutelekezamikataba ya kimataifa kuwepo (Gender Equality).

Kuangalia uwajibikaji wa viongozi na ufikiaji wa rasilimali na kuangalia miradi ya maendeleo katika jamii

Amesma lengo la ripoti hiyo ni kuangalia upatikanaji na ufikiaji wa huduma za kijamii kama kuwepo shule na hospitali ambazo zinaruhusu makundi yote ya kijamii yanafaidika hasa walemavu kuwepo miundombinu ya walemavu.

Pia ripoti hiyo imeangalia ushiriki wa wanachi wakiwemo makundi malum katika mipango ya maendeleo pia ushiriki wa wananchi katika utekelezaji wa mipango ya bajet.

Pia  ripoti hiyo imeangalia huduma muhimu kwa wananchi zinapatuikanaje na pia wananchi wanaridhika nazo na ikiwa hawaridhiki nazo malalamiko yao wanayafikisha wapi.


 Ametoa wito kwa malaka zinazohusia kutekeleza sheria mpya ya upelekaji madaraaka ya kutoa majukumu ya utoaji huduma kutoka serikali kuu kupeleka mikoani.

Amesema ni vyema kutambua umuhimu wa kushirikishwa katikamasuala ya upangaji wa bajet  na utekelezaji wake.

Akichangia katika mjadala wa ripoti hiyo mjumbe kutoka Wilaya ya Kusini Halida Nassor alisema Halmashuri hazina uwazi kuhusu  mfuko wa Jimbo kwani hawajui unatumika vipi.

Alisema kumekosekana umoja ndani ya jamii na ndio mana taratibu haziendi sawa.

Nae mshiriki Ali Hamadi Afisa kutoka wilaya ya kati Unguja alisema wananchi wanakosa muda wa kushirikishwa kutokana na kuwepo njia isiyo sahihi ya kuwafikia  ambapo hupelekea kuwepo ushirikishwaji mdogo kwa jamii.

Alisema ni vyema kutumia njia iliyo  muafaka ili  kuwafikia wananchi wa makundi yote  bila kujali jinsia.  

Nae kwa upande wake Zawadi Pandu Vuai Diwani wa wadi ya makunduchi amesema sehemu nyingi wananchi wamekuwa haawashirikihwi katika mipango ya maendeleo yao .

Alisema ni vyema kuwepo mipango  ili wanawake waweze kuingia katika nafasi za  kamati katika Majimbo

Kwa upande wake mshiriki  Wahida Kondo alisema  katika Idara ya Utawala Bora kumekuwepo Program tofauti kupitia vyombo vya habari za kuwaelimisha  wananchi .

Alisema kuna badhi ya maeno wanawake wamekuwa wanashindwa kujitokezakutokana na kukoza elimu ya kujua umuhimu wa wajibu wao na wengine kukumbwa na majukumu ya kifamilia.

 Hivyo aliwataka wanawake  kubadilika ili kuwendana na wakati wa sasa ili kuzitambua haki zao.
 

Maadhimisho siku ya Malaria Duniani,Kitaifa kufanyika Kasulu mkoani Kigoma

Tanzania inatarajia kuungana na nchi zingine duniani kwenye kuadhimisha siku ya Malaria Duniani ambayo ufanyika April 25 kila mwaka.

Maadhimisho hayo ya kitaifa yatafanyika wilaya ya Kasulu mkoani Kigoma huku Waziri wa Afya na Maendeleo ya Jamii akitarajiwa kuzindua ripoti ya hali ya Malaria nchini.

Akiongea jijini Dar es Salaam leo, Waziri Nyoni ambaye ni Mkurugenzi wa Miradi kutoka VectorWorks alisema kutakuwa na shamra shamra mbali mbali kuanzia tarehe 22 April kabla ya kufikia kilele cha maadhimisho hayo.

VectorWorks ni mradi wa miaka mitano wa kupamba na malaria hapa nchini umefadhiliwa na Shirika la Misaada la Marekani – USAID kupitia Mfuko wa Raisi wa Marekani wa kudhibiti malaria na kuratibiwa na John Hopkins Center for Communications.

‘Sisi kazi yetu ni kuhakikisha hali ya ugonjwa wa malaria inapungua. Kwa sababu hiyo, tumekuwa na zoezi endelevu la kugawa vyandarua vyenye dawa ya muda mrefu kwa kila kaya hapa nchini. Vile vile, tunatumia vituo vya afya kuwafikia walengwa wakuu ambao ni akinamama waoenda kliniki na watoto wenye umri chini ya mwaka mmoja, alisema Nyoni.

Akina mama wanaonza kliniki ni lazima wapatiwe chandarua chenye dawa ya muda mrefu bure. Hii njia bora ya kujikinga na mbu waenezao malaria. Vile vile tunafanya kazi kwa kushirikiani na Serikali kupitia Wizara ya Afya kitengo cha kupamba na Malaria nchini ambao wamekuwa wakipuliza dawa yenye viatilifu kwenye maeneo yenye masalia ya mbu. 

Tumepiga hatua kubwa kupunguza malaria hapa Tanzania kwa hivyo natoa wito wangu kwa kila Mtanzania kuhakikisha analala kwenye chandarua kwenye dawa ya muda mrefu, aliongeza Nyoni.

Kauli mbiu ya mwaka huu ni mimi natokomeza malaria, wewe je?

MSIFANYE KAZI KWA MASHINDANO NA WANASIASA; JAJI MKUU ZANZIBARA

JAJI MKUU wa Zanzibar, Omar Othman Makungu, Katika amewataka, mahakimu  wasifanye kazi  kwa mashindikizo ya wanasiasa, kwani  wakifanya hivyo watakuwa hawaitendei haki fani yao.

Jaji huyo alieleza hayo kwa nyakati tofauti, alipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani  Pemba.

 Alieleza kuwa umefika muda Mahakimu wafanye kazi zao kisayansi na kuacha mashindikizo ambayo yataharibu uwaminifu wao kwa jamii.


“Lazima muelewa mahakimu wetu kwamba, kuna kupanda daraja kwa mujibu wa kazi zenu, lakini kama mnafanyakazia kwa chuki, mashindikizo basi msitarajie kupanda ngazi,”alieleza Jaji Makungu.

Sambamba na hilo aliwauliza mahakimu kisiwani humo, wamezitoa wapi sheria zinazowapa mamlaka ya kuwalazimisha watuhumiwa kuwa na wafanyakazi wa serikali au barua za masheha wanapoomba dhamana dhidi ya kesi zinazowakabili.

Alisema anashangaa kuona baadhi ya mahakimu hao, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa
mwanadamu.


Alisema lazima mahakimu wafahamu  kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha.

Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti kwambaawe na mtu anaefanyakazi serikalini, au barua ya sheha kwamba ndio kigezo namtuhumiwa akishindwa na hayo, apelekwe rumade.

“Jamani wale ni binadamu, wapo waliotenda makosa, wapo walioteleza nawengine wamesingiziwa  sasa na nyinyi mkishawishika kwa kuwapeleka rumade,  tena kwa mashartimazgumu,mtakuwa mtakuwa hamukuwatendea haki” alieleza jaji Makung

Nae Mrajisi wa jimbo mahakama kuu Pemba Hussein Makame Hussein, alisema changamoto kadhaa wamezisikia hawa walipowatembelea wanafunzi,
juu ya kucheleweshea mienendo ya kesi, jambo kwa sasa wanajitahidi kuliepuka.

Ziara ya Jaji Mkuu Zanzibar akiwa na Mrajisi na Manaibu Warajisi, itaendelea tena kesho kwa kulikagua jengo la Mahakama Kuu Chakechakeya kuzungumza na watendaji wake, na kukamilisha ziara yake ya Siku Nne kisiwani humo.

LIGI KUU YA WANAWAKE YA SERENGETI PREMIUM LITE HATUA YA NANE BORA KUENDELEA WIKIENDI, SERENGETI YAGAWA MAVAZI RASMI KWA TIMU

Ligi Kuu ya Wanawake ya Serengeti Premium Lite Hatua ya Nane Bora inatarajia kuendelea Wikiendi hii.

Jumamosi Aprili 21, 2018 zitachezwa mechi Tatu na mchezo mmoja utachezwa Jumapili Aprili 22,2018.

Jumamosi Kwenye Uwanja wa Karume Evergreen watawakaribisha Alliance ,Wakati kwenye Uwanja wa Mbweni JKT Quenns watakuwa wenyeji wa Simba Queens nayo Kigoma Sisterz ikiwa Uwanja wa Tanganyika kuwaalika Baobab.

Mchezo wa Panama dhidi ya Mlandizi Queens wenyewe utachezwa Jumapili kwenye Uwanja wa Samora Iringa.

Ligi hiyo ilisimama kupisha maandalizi ya timu ya Taifa ya Wanawake iliyokuwa na mchezo wa kufuzu fainali za Africa kwa Wanawake dhidi ya Zambia.

Katika hatua nyingine Wadhamini wa Ligi hiyo ya Wanawake kampuni ya Bia ya Serengeti kupitia Bia yake ya Serengeti Premium Lite,imekabidhi mavazi rasmi kwa timu zote.

Meneja Masoko wa Serengeti Anitha Msangi amesema Serengeti inaamini kuwa kuidhamini Ligi Kuu ya Wanawake wanachangia kuleta maendeleo ya Mpira wa Wanawake.

Amesema Mashabiki wanayo nafasi kubwa katika maendeleo ya Mpira wa Wanawake na kuwataka waweze kujitokeza kuunga mkono Ligi Kuu ya Wanawake pamoja na kuziunga mkono timu za Wanawake.

IMETOLEWA NA SHIRIKISHO LA MPIRA WA MIGUU TANZANIA TFF

Mashindano ya EAAR yapigwa kalenda

NA MWANDISHI WETU, KARATU

MASHINDANO ya riadha kwa wachezaji wenye umri chini ya miaka 18 ya Kanda ya Tano ya Afrika (EAAR), yaliyopangwa kufanyika nchini Mei 4-5, yameahishwa.

Katibu Mkuu wa Shirikisho la Riadha Tanzania (RT), Wilhelm Gidabuday alisema mjini hapa jana kwamba mashindano hayo sasa yatafanyika kuanzia Mei 12-13 kwenye Uwanja wa Taifa jijini Dar es Salaam.

Alisema nchi wanachama zimeomba kusogezwa mbele kwa mashindano hayo na Jumatano ijayokutakuwa na mkutano wa Kamati ya Ufundi kupanga tarehe ya kuanza kwa kambi ya timu hiyo ya vijana na mambo mengine.

Kwa upande wake Mjumbe wa Kamati ya Ufundi ya RT, Robert Kalyahe alisema jana kwa njia ya simu kuwa, kwa sasa wachezaji wanafanya mazoezi katika kanda zao kabla ya kukusanywa pamoja katika tarehe itakayopangwa Jumatano jijini Dar es Salaam.

Tanzania mwaka jana iliandaa mashindano ya vijana wenye umri chini ya miaka 20 na kushika nafasi ya pili nyuma ya Kenya iliyoshika nafasi ya kwanza.

WAZIRI KIGWANGALA MGENI RASMI Ngorongoro Race 2018

NA MWANDISHI WETU, KARATU

MASHINDANO ya Ngorongoro Race 2018 yanatarajiwa kurindima mjini hapa leo huku mgeni rasmi akitarajiwa kuwa Waziri wa Maliasili na Utalii, Dk. Hamis Kigwangala.

Akizungumza na Waandishi wa Habari jana, Mkurugenzi wa Ngorongoro Race, Meta Petro, Waziri Kigwangala ndiye atayeanzisha mbio za Kilomita 21 zitakazoanzia kwenye lango la kuingilia na kutokea Mamlaka ya Hifadhi ya Ngorongoro.

Meta, alisema mbio hizo zinabeba kauli mbiu isemayo; `Kimbiza Jangili’ ikiwa na lengo la kuhamasisha vita dhidi ya vitendo vya ujangili dhidi ya rasilimali za Taifa, hususan wanyamapori.

Alisema Kigwangala amethibitisha kuanzisha mbio hizo na kukabidhi zawadi kwa washindi pale zitakapokamilika na washindi kujulikana.

Mkurugenzi huyo, alisema mbio hizo zitaanzia katika lango kuu la kuingilia na kutokea katika Bonde la Mamlaka ya Hifadhi ya Ngorongoro (NCAA), ambao ndio pia ni wadhamini wakuu wake na kumalizikia katika viwanja vya Mazingira Bora katikati ya Mji wa Karatu.

Alisema kuwa wanatarajia mbio za mwaka huu zitakuwa na ushindani wa hali ya juu, hasa ukizingatia zitashirikisha wanariadha wengi zaid ya 500 walioshiriki mwaka jana.
Nyota mbalimbali wa mbio nchini wanatarajia kushiriki mbio hizo wakiwemo washindi wa mwaka jana kwa upande wa kiume na kike, Faraja Lazaro wa JKT na Failuna Abdi wa Talent Club ya Arusha, ambao walishinda mbio hizo kwa kutumia saa 1:03.42 na 1:03.52.

Mshindi wa kwanza wa mbio hizo kwa upande wanaume na wanawake, kila mmoja ataondoka na Sh milioni 1 wakati mshindi wa pili atabeba Sh 500,00 huku watatu Sh 250,000, mshindi wan ne atapewa 100,000 na watano Sh 80,000.

Kwa mujibu wa waandaaji, mbio za mwaka huu zitakuwa na zawadi hadi kwa mshindi wa 15 huku mshiriki yeyote atakayemaliza mbio hizo katika nafasi yoyote, atapewa medali pamoja na fulana kama kumbukumbu za kushiriki mbio hizo.

Mbali na kilometa 21 pia kutakuwa na mbio za kilometa tano, ambapo kwa mara ya kwanza washindi watapewa zawadi, kwani mbio hizo ni za kujifurahisha na waandaaji wamekuwa hawatoi zawadi kwa washindi.

Mshindi wa kwanza wa kilometa tano ataondoka na kitita cha Sh 200,000 wakati mshindi wa pili ataondoka na Sh 100,000 huku mshindi watatu kwa kila upande, atasepa na Sh 50,000.

Pia, kutakuwa na mbio za watoto wadogo, ambao watachuana katika umbali wa kilometa 2.5, ambapo mshindi wa kwanza ataondoka na Sh 50,000, huku wa pili atabeba Sh 40,000 na watatu Sh 30,000.

Mbali na NCAA, wadhamini wengine ni Kampuni ya Vinywaji Baridi ya Bonite Botlers.

Airtel Tanzania yaongoza katika mitandao ya kijamii

  · Yayapiku makampuni mengine yote ya simu Tanzania

Airtel Tanzania imetajwa kuwa moja ya makampuni bora ambayo yanajibu vizuri maswali ya mashabiki na wateja wake katika robo mwaka ya kwanza ya mwaka 2018.

Ripoti hii imetolewa na kampuni ya Socialbakers ambayo ni moja ya makampuni yanayoongoza duniani katika kutoa tathmini kuhusu namna makampuni mbalimbali yanawajibika katika kujibu maswali ya wateja wao katika mitandao ya kijamii.

Kwa mujibu wa Socialbakers, tathmini ya robo hii ya mwaka ilifanyika kuanzia Januari 1, 2018 hadi Machi 31, 2018 na kuifanya Airtel Tanzania iibuke kidedea.

Kampuni hiyo ya Social bakers imekabidhi cheti kama ishara ya ushindi huu na kuonesha kuwa Airtel iliweza kujibu vizuri maswali ya mashabiki wake na wateja kupitia mtandao wa Face book kwa asilimia 98 na hivi kuyapiku makampuni mengine yote ya simu Tanzania.

Mkurugenzi wa Masoko wa Airtel Tanzania, Bwn Isack Nchunda alisema wanajivunia kupata utambulizi huo na inaonesha jinsi gani wamekuwa wakijituma kuhakikisha wateja wao wanapata majibu ya maswali yao kwa wakati kupitia mitandao ya kijamii hususani Face book.

“Tunayo faraja kuweza kutambuliwa kwa namna hii na sisi tunalo jukumu la kuendelea kuhakikisha wateja na mashabiki wetu wanapata majibu wanayohitaji kwa wakati na mitandao ya kijamii imeturahisishia kazi hii hususani kupitia Face book tumeweza kujibu maswali kwa haraka na kwa wateja wengi zaidi kwa wakati mmoja,” alisema.

Mitandao ya kijamii kama Face book inatakiwa kutangazwa zaidi ili itumike kwa wingi kwani itapunguza usumbufu wa wateja kusubiri majibu kwa muda mrefu kama ilivyokuwa hapo awali ambapo walilazimika kupiga simu Airtel. “Kwa kupitia mitandao ya kijamii majibu yanatolewa hapo hapo na hili ndilo limetufanya tutambuliwe kwani tumeweza kutumia njia hii kwa ufanisi mkubwa na tathmini ya Socialbakers imeonesha kuwa katika robo ya kwanza ya mwaka huu tulijibu maswali kwa asilimia 98 na hivi kuibuka kidedea,” aliongeza Ndunda

Kwa mujibu wa Socialbakers, utambulizi huu unatokana na namna kampuni imeweza kujibu maswali ya watu kwa muda wa mwezi mitatu. Ili utambuliwe, lazima kampuniipokee maswali 50 kutoka kwa mashabiki katika robo husika na maswali hayo yaweze kujibiwa kwa zaidi ya asilimia 65.

Socialbakers ni moja ya makampuni yanayoongoza duniani katika kutoa tathmini kuhusu namna makampuni mbalimbali yanawajibika katika kujibu maswali ya wateja wao katika mitandao ya kijamii hususani Face book, Twitter, Google+, LinkedIn na YouTube ili kusaidia makampuni kujua mafanikio ya kampeni mbalimbali kupitia mitandao hii. 
Mkurugenzi wa Masoko Airtel Tanzania, Isack Nchunda akiongea baada ya Airtel kuibuka kinara katika kutoa hudumia kupitia mitandao ya kijamii, akishuhudia Mkurugenzi wa Mawasiliano Airtel Tanzania, Bi Singano Mallya.

Ujerumani wafungua ofisi ya Uwekezaji viwanda na biashara ya AHK- Tanzania

Serikali ya Tanzania imesema kuwa itatumia vyema mahusiano yake baina nchi ya Ujerumani katika kuendeleza ukuaji wa uchumi kupitia viwanda na uwekezaji wa biashara nchinia kwa kuimalisha maeneo ya kiuchumi ili wafanyabishara wa nchi hiyo waweze kuja kwa wingi katika uwekezaji.

Hayo yamesemwa Jijini Dar es Salaam na Waziri wa Viwanda, Biashara na Uwekezaji, Charles Mwijage wakati wa ufunguzi rasmi wa Ofisi ya Kampuni ya AHK kutoka Ujerumani ambayo inawaunganisha wawekezaji na wafanyabishara wa Ujerumani ambao watakuwa na ofisi yao ya kudumu ili kuwa karibu na fursa za kiuwekezaji hapa nchini.

“Tunawakaribisha sana Wajerumani kupitia kampuni yao hii kubwa kabisa ya AHK. Tunaamini watatusaidia sana kutuletea wawekezaji wa Kijerumani hapa na watakuwa wanachukua bidhaa za Kitanzania na kupeleka Ujerumani.

Sisi tunanunua vitu vingi kutoka Ujerumani. Kwa hiyo uwapo wao hapa nchini tutakuwa na maendeleo makubwa zaidi kwenye mahusiano yetu ya ukuaji wa uchumi kwa wao kununua vitu zaidi na kupeleka kwenye masoko ya Ujerumani” Alieleza Waziri Mwijage.

Kwa upande wao wakitoa ujumbe wa pamoja kwa Wanahabari, Dkt. Jennifer Schwarz na Balozi wa Ujerumani nchini, Dkt. Detlef Waechter, walibainisha kuwa, kwa sasa inaonyesha kuongezeka kwa maslahi ya makampuni ya Ujerumani yanayokuja kufanya biashara na Tanzania hivyo kwa kuptia AHK, Makampuni yataongezeka zaidi.

"Ujerumani na Tanzania wamekuwa marafiki wa karibu na washirika kwa muda mrefu. Soko la Tanzania linakuwa kwa kasi hutoa fursa kubwa kwa biashara za Ujerumani. Makampuni kadhaa ya Kijerumani tayari yameanzisha viungo vya biashara na Tanzania, lakini tunataka kuvutia makampuni zaidi kutoka Ujerumani kwa kuwapa huduma wanazohitaji ili kuanza biashara yao Tanzania.

Makampuni ya Tanzania ambayo yanapenda kuanzisha viungo vya biashara kwa Ujerumani, pia yatasaidiwa. Hivyo AHK milango yake ipo wazi kwa wadau wote wa biashara katika kutoa njia za kufikia malengo ya ushirikiano huu” Walieleza.

Ofisi hiyo mpya iko eneo la Masaki barabara ya Chole na Slipway na itakuwa na ofisi zake mahali hapo. Kampuni hiyo ya AHK inafanya kazi kwenye nchi zaidi ya 90 Duniani kote na kwa Tanzania inakuwa ndio mara ya kwanza kufungua ofisi huku kwa Afrika Mashariki wakiwa na Ofisi nchini Kenya.

Aidha, Ofisi hiyo itaendeleza mahusiano ya biashara ya Ujerumani na Tanzania na kuwa kipaumbele kwa makampuni ya Ujerumani kutafuta fursa za biashara nchini huku ikitarajiwa kuongozwa na Dk Jennifer Schwarz na itatoa huduma mbalimbali kwa makampuni ya Tanzania na Kijerumani.

Wakati wa ufunguzi rasmi, wajumbe wa juu kutoka Ujerumani, walitembelea Jiji la Dar es Salaam huku wakiongozwa na Dk. Martin Wansleben, Mkurugenzi Mtendaji wa Chama cha Biashara na Viwanda (DIHK).

Katika uzinduzi huo pia ulihudhuriwa na wadau mbalimbali wa Biashara na Viwanda wakiwemo wafanyabishara, Mabalozi na wageni wengine wakiwemo kutoka Serikalini na Sekta binafsi.

MSIINGIZE SIASA SUALA LA MABONDENI-MAJALIWA

WAZIRI MKUU Kassim Majaliwa amewataka wanasiasa wajiepushe na tabia ya kuingiza siasa katika suala la kuwaondoa wananchi waishio mabondeni  kwa kuwa jambo hilo linafanywa kwa maslahi ya wananchi wenyewe.

Amesema wananchi wengi wamekuwa wakipoteza maisha na mali zao kila yanapotokea mafuriko, hivyo ni vizuri kwa viongozi wakiwemo wabunge washirikiane na Serikali kuwahamasisha wakazi wote wa mabondeni wahame.

Waziri Mkuu ameyasema hayo leo (Alhamisi, Aprili  19, 2018) wakati akijibu swali la mbunge wa Temeke, Bw. Abdallah Mtolea katika kipindi cha maswali ya papo kwa papo kwa Waziri Mkuu, Bungeni mjini Dodoma.

 “Mara nyingi Serikali imekuwa ikiwataka wakazi ya maeneo ya mabondeni kuhama  ila suala hilo limekuwa likikwamishwa na masuala ya kisiasa. “Wabunge ni mashahidi jambo hili linapoamuliwa, zinaingizwa siasa.”

Pia, Waziri Mkuu ametumia fursa hiyo kuwapa pole wananchi walioathiriwa na maafa yaliyosababishwa na mafuriko zikiwemo familia za watu 12 waliofariki mkoani Dar es Salaam.

Katika swali lake, Bw Mtolea alitaka kujua Serikali ina mpango gani wa kudhibiti madhara ya mvua zinazoendelea kunyesha mkoani Dar es Salaam.

Mapema akijibu swali la Mbunge wa Nyang’hwale , Bw. Hussein Nassoro Waziri Mkuu alisema suala la kurejesha miundombinu iliyoharibika linashughulikiwa na kamati za maafa za mikoa na wilaya ambazo kwa sasa zinafanya tathmini ili kujua kiwango cha uharibifu na hatua gani zichukuliwe.

Bw. Nassoro alitaka kujua Serikali imejipangaje katika kurejesha miundombinu iliyoharibika kutokana na mvua zinazoendelea katika maeneo mbalimbali nchini.

Katika hatua nyingine, Waziri Mkuu ametoa wito wa wananchi kuhakikisha wanatumia vizuri mvua zinazoendelea kunyesha kwa kupanda mazao mbalimbali ya biashara na chakula. Kuhusu mazao ya biashara amesema Serikali itawasaidia kutafuta masoko.

Waziri Mkuu ameyasema hayo wakati akijibu swali la Bi. Aida Khenani (Viti Maalumu), aliyetaka kujua Serikali ina mkakati gani wa kuandaa masoko ya uhakika kwa mazao ya wakulima.

IMETOLEWA NA:
OFISI YA WAZIRI MKUU,
S. L. P. 980,
41193 - DODOMA.
ALHAMISI, APRILI 19, 2018.

UKAGUZI BANDARINI HAULENGI KUWABAGUA WAZANZIBARI - WAZIRI MKUU

WAZIRI MKUU Kassim Majaliwa amesema ukaguzi unaofanywa kwenye bandari ya Dar es Salaam kwa wasafiri wanaokwenda Zanzibar, hauna lengo la kuwabagua bali ni kuimarisha ulinzi wa mipaka ya nchi.

“Hatulengi kuzuia biashara za wafanyabiashara ndogondogo, bali tunaimarisha ukaguzi ili kuzuia wasafirishaji wa dawa za kulevya, wasambazaji na wauzaji,” amesema. 

Ametoa kauli hiyo leo asubuhi (Alhamisi, Aprili 19, 2018) Bungeni mjini Dodoma katika kipindi cha maswali ya papo kwa papo kwa Waziri Mkuu wakati akijibu swali la Mbunge wa Baraza la Wawakilishi, Bw. Jaku Hashim Ayoub aliyetaka kupata kauli ya Serikali juu ya kuwapunguzia makali wafanyabiashara wanaotoka Zanzibar.

Waziri Mkuu amesema: “Wanaofanya ukaguzi pale bandarini siyo watu wa TRA peke yao kama Mheshimiwa Jaku alivyosema, bali tukumbuke kuwa Tanzania imeingia katika vita ya dawa za kulevya, kwa hiyo tunaimarisha ulinzi wa mipaka yetu.”

“Tanzania inapambana na matumizi ya dawa za kulevya, kwa hiyo ukaguzi huu umelenga kuzuia watumiaji, wasambazaji na wasafirishaji wa dawa hizo. Upekuzi huu umelenga kupunguza hili tatizo, umelenga abiria wote na siyo Wazanzibari peke yao,” amesisitiza.

Amesema Serikali inaendelea na mipango ya kutafuta mitambo ya kisasa ya kukagua mizigo ya wasafiri wanaotumia bandari za Tanzania bara.

Mapema, akiuliza swali lake, Mhe. Jaku alisema: “Kilio cha wabunge wengi wanaotoka Zanzibar hapa Bungeni ni bandari ya Dar es Salaam kutoza kodi wafanyabiashara wadogo wanaosafirisha TV au vyerehani. Ni lini utakaa nao au kufanya ziara ya kushtukiza ili ujionee hali halisi?”

IMETOLEWA NA:
OFISI YA WAZIRI MKUU,
S. L. P. 980,
41193 - DODOMA.
ALHAMISI, APRILI 19, 2018.

SHONZA: WASANII PELEKENI NYIMBO ZENU BASATA KWA AJILI YA UHAKIKI ILI ZIPANGIWE MADARAJA

UTT AMIS PLC YATOA ELIMU YA UWEKEZAJI WA PAMOJA KWA WASTAAFU WATARAJIWA WA WAKALA WA MISITU TANZANIA

Ofisa Masoko na Uhusiano wa UTT AMIS PLC, Bi. Martha Mashiku, akitoa elimu ya uwekezaji wa pamoja kwa wastaafu watarajiwa wa Wakala wa Huduma za Misitu Tanzania katika Ukumbi wa Mkutano wa Hoteli ya Kings Way mkoani Morogoro. (Na Mpiga Picha Wetu).
 Baadhi ya washiriki wakipata elimu juu ya Uwekezaji wa Pamoja kwa wastaafu watarajiwa wa Wakala wa Huduma za Misitu Tanzania.

MANISPAA YA UBUNGO YASAINI MKATABA NA BENKI YA CRDB KATIKA KUTOA MIKOPO KWA VIJANA

Meya wa Ubungo, Boniface Jacob, akizungumza katika hafla fupi ya kusaini mkataba na benki ya CRDB ambapo mikopo hiyo itatolewa kupitia benki hiyo.
Meya wa Ubungo, Bonjiface Jacob (katikati), akibadilishana mkataba wa makubaliano na Mkurugenzi wa Huduma Mbadala wa Benki ya CRDB, Philip Alfred (kushoto), jijini Dar es Salaam.


Halmashauri ya Manispaa ya Ubungo jijini Dar es salaam, ndio Halmashauri pekee Tanzania nzima iliyotenga pesa nyingi kwa ajili ya mkopo kwa kinamama na vijana.

Hayo yamesemwa leo Jumatano 18/04/2018 katika ukumbi wa Halmashauri ya Manispaa ya Ubungo  na Mstahiki Meya wa Manispaa ya Ubungo, Boniface Jacob wakati wa hafla fupi ya kusaini mkataba wa makubaliano na benki ya CRDB ambapo mikopo hiyo itatolewa kupitia benki hiyo.

Halmashauri ya Manispaa ya Ubungo imetenga kiasi cha 1.9+Bilioni, Boniface Jacob ametoa wito kwa vijana kujitokeza kwa wingi kuchangamkia fursa hii kwani idadi yao imeonekana kuwa ndogo ambayo ni, kwani mfuko huu ni nusu kwa vijana na nusu kwakinamama na 20% inakwenda kwa walemavu, Ubungo Manispaa itakuwa ya kwanza kwa utekelezaji wa agizo kwamba 20% tuwapelekee walemavu.

Kwa taarifa ya mratibu wa zoezi hilo, Wanawake waliojitokeza  ni 11,321, vijana idadi yake ikiwa ni 1124, kwa idadi hii ya vijana Mstahiki Meya ametoa wito kwa vijana kujitokeza zaidi na moja ya sifa ya kupata mkopo huu ni lazima mtu afungue akaunti Benki ya CRDB kwa maana hiyo CRDB wamejiongezea wateja, na Halmashauri imewahakikishia CRDB jambo hili ni zuri kwao.

Halmashauri ya Manispaa imetenga asilimia 10 ya mapato yake ya ndani ya mwaka mmoja nanusu waliyoitunza kwa uaminifu mkubwa ndio zikapatikana shilingi 1.9 Bilioni kwa ajili ya mikopo kwa kinamama na vijana.

"Nikiwa Manispaa ya Kinondoni tuliweza kutenga Milioni 800 kwa ajili ya mikopo kama hii, lakini Halmashauri ya Manispaa ya Ubungo ina muda wa mwaka mmoja na nusu tu lakini unaweza kuona kiasi tulichotenga kwa ajili ya mikopo kwa vijana na kinamama, ni kwa sababu tuko commited kuwasaidia wananchi wa Manispaa ya Kinondoni" amesema Meya Mhe Boniface Jacob.

Hafla hiyo imehudhuriwa na Mkurugenzi wa Halmashauri ya Manispaa ya Ubungo, John Kayombo, Mkurugenzi wa Huduma Mbadala wa Benki ya CRDB, Philip Alfred ambaye alimwakilisha Mkurugenzi Mtendaji wa CRDB Dk. Charles Kimei, Waheshimiwa Madiwani wa Ubungo na Watendaji wa Halmashauri ya Manispaa ya Ubungo.

Washindi wa Promosheni ya Nyaka Nyaka Bonus wakabidhiwa zawadi zao


Meneja Mawasiliano wa Tigo Tanzania, Woinde Shisael akizungumza na waandishi wa habari katika hafla ya kuwakabidhi washindi 84 wa wiki hii katika promosheni ya Nyaka Nyaka Bonus  iliyofanyika katika ofisi za Tigo, jijini Dar es Salaam.
 Baadhi ya washindi.
Meneja Mawasiliano wa Tigo Tanzania, Woinde Shisael, akimkabidhi zawadi ya simu mshindi wa promosheni ya Nyaka Nyaka Bonus, Batazari Madale katika hafla  iliyofanyika katika ofisi za Tigo, jijini Dar es Salaam.
Tatu Shomari akipokea zawadi yake baada ya kushinda katika promosheni ya Nyaka Nyaka Bonus.
Mariam Omary akipokea zawadi ya simu kutoka kwa
Meneja Mawasiliano wa Tigo, Woinde Shisael.
 Meneja Mawasiliano wa Tigo, Woinde Shisael, akimkabidhi zawadi ya simu, Theresia Christopher, katika hafla ya utoaji zawadi kwa washindi wa Promosheni ya Nyaka Nyaka Bonus.
 Bonny Sanga akipokea zawadi yake ya simu.
 Juma Mohamed akipokea zawadi yake.

KUZIONA SIMBA SIMBA NA YANGA ELFU 7

Shirikisho la Mpira wa Miguu Tanzania (TFF) limetangaza viingilio vya mchezo wa Ligi Kuu ya Vodacom Tanzania Bara(VPL) msimu wa 2017/2018 kati ya Simba na Yanga utakaochezwa Uwanja wa Taifa Dar es Salaam.

Katika mchezo huo namba 178 utakaofanyika saa 10 jioni Kiingilio cha chini kitakuwa shilingi Elfu Saba(7,000) wakati kiingilio cha juu kitakuwa shilingi Elfu Thelathini.


Jukwaa la VIP A itakuwa shilingi Elfu Thelathini (30,000),VIP B na C shilingi Elfu Ishirini (20,000) na Upande wa Mzunguko kwenye viti vya rangi ya Chungwa,Bluu na Kijani itakuwa shilingi Elfu Saba (7,000)


Tiketi tayari zimeanza kupatikana kuanzia sasa kupitia Selcom.

CRDB Bank kupeleka wateja wake 24 kushuhudia fainali za kombe la Dunia, Urusi

Mkurugenzi wa Masoko, Utafiti na Huduma kwa Wateja, Tully Esther Mwambapa akionyesha vipeperushi vya kampeni mpya ya Benki hiyo kwa wateja wake, ijulikanayo kama #TwenzetuRussia, itakayowawezesha watumiajiwa kadi za malipo za TemboCard Visa za Benki hiyo kujishindia safari ya kwenda kuangalia mechi za michuano ya kombe la Dunia, zitakazofanyika nchini Urusi kuanzia mwezi Juni mwaka huu. 
Mkurugenzi wa Masoko, Utafiti na Huduma kwa Wateja, Tully Esther Mwambapa akifafanua jambo kwa waandishi wa habari wakati akitangaza kampeni mpya ya Benki hiyo kwa wateja wake, ijulikanayo kama #TwenzetuRussia, itakayowawezesha watumiajiwa kadi za malipo za TemboCard Visa za Benki hiyo kujishindia safari ya kwenda kuangalia mechi za michuano ya kombe la Dunia, zitakazofanyika nchini Urusi kuanzia mwezi Juni mwaka huu. 

Benki ya CRDB leo imetangaza kuanza rasmi kwa kampeni ijulikanayo kama “Furahia kandanda murua nchini Urusi” #TwenzetuRussia, itakayowawezesha watumiaji wa kadi za malipo za TemboCard Visa za Benki hiyo kujishindia safari ya kwenda kuangalia mechi za michuano ya kombe la Dunia zitakazofanyika nchini Urusi, kuanzia mwezi Juni mwaka huu.

Akizungumza na waandishi wa habari ofisini kwake jijini Dar es Salaam leo, Mkurugenzi wa Masoko, Utafiti na Huduma kwa Wateja wa Benki hiyo Bi. Tully Esther Mwambapa, alisema kuwa Benki ya CRDB imeanzisha kampeni kwa kushirikiana na kampuni ya Visa International ili kutoa fursa kwa wateja wake kwenda kushuhudia fainali hizo, ambazo huvutia hisia za watu wengi dunuani kote.

“Wateja wetu wenye TemboCardVisa, TemboCardVisa-Electron, TemboCard Visa-Gold, TemboCardVisa- Platinum na TemboCardVisa-Infinite, wakati wa kampeni hii watatakiwa kulipia bidhaa au huduma wanazonunua kwa kutumia TemboCardVisa zao kupitia mashine za malipo (POS) zilizopo sehemu mbalimbali kama kwenye migahawa, maduka, mahospitali, vituo vya mafuta na kwingineko, ili waweze kujishindia zawadi hii kubwa” alisema.

Bi.Mwambapa aliendelea kusema kuwa “iii mteja aweze kushinda, anatakiwa kufanya miamala mingi zaidi kila wiki na kadri mteja anavyolipia zaidi kwa kutumia TemboCardVisa yake, ndivyo anavyojiongezea nafasi kubwa zaidi ya kushinda.

Washindi wa wawili watakaokuwa wamefanya miamala mingi zaidi kila wiki watajishindia safari ya kwenda Urusi ambayo itagharamiwa kila kitu na Benki ya CRDB, ambapo jumla ya tiketi 24 zitatolewa” alisema Bi. Tully Mwambapa.

Bi.Mwambapa aliendelea kusema kuwa pamoja na washindi wawili wa kwanza kujishindia safari hiyo, Benki pia kila wiki itatangaza washindi wengine 10 kupitia vyombo mbalimbali vya habari ambao watajishindia zawadi kemkem ikiwemo luninga zitakazokuwa zimeunganishwa na kulipiwa kinga’muzi cha DSTV, jezi za timu za mataifa mbalimbali, mipira, kofia, fulana na na zawadi zingine nyingi.

TBS YATOA LESENI YA UBORA KWA KAMPUNI YA MATI SUPER BRANDS

Kaimu Mkurugenzi wa TBS, Tumaini Mtitu, akizungumza katika hafla ya kukabidhi leseni na nyeti kwa wazalishaji 59 waliogawanyika katika sekta mbalimbali.

Meneja Mauzo na Masoko wa Kampuni ya Mati Super Brands Ltd, inayotengeneza vinywaji vikali aina ya Sed Cane Spirit na Strong, Castro Temba (kushoto), akipokea Leseni ya kutumia Alama ya Ubora kutoka kwa Kaimu Mkurugenzi Mkuu wa Shirika la Viwango Tanzania (TBS), Tumaini Mtitu, katika hafla iliyofanyika jijini Dar es Salaam.

Baadhi ya washiriki wa hafla hiyo.

Meneja Mauzo na Masoko wa Kampuni ya Mati Super Brands Ltd, Castro Temba, akionyesha Leseni ya Ubora

Mwanasheria wa Kampuni ya Mati Super Brands Ltd, Charlotte Lupembe, akiwa katika hafla hiyo.

Meneja Uzalishaji wa Kampuni ya Mati Super Brands Ltd, Gasper Mlay, akiuliza swali wakati wa hafla ya kukabidhiwa Leseni ya kutumia Alama ya Ubora kutoka TBS.
Washiriki kutoka makampuni mbalimbali.

Meneja Uzalishaji wa Kampuni ya Mati Super Brands Ltd, Gasper Mlay, akizungumza na waandishi wa habari baada ya kampuni hiyo kukabidhiwa Leseni ya kutumia Alama ya Ubora kutoka TBS.

Wafanyakazi wa Kampuni ya Mati Super Brands Ltd, inayotengeneza vinywaji vikali aina ya Sed na Strong wakiwa katika picha ya pamoja baada ya kukabidhiwa Leseni ya kutumia Alama ya Ubora kutoka Shirika la Viwango Tanzania (TBS) katika hafla iliyofanyika jijini Dar es Salaam.

Baadhi ya bidhaa zilizopata Leseni ya kutumia Alama ya Ubora kutoka TBS. 

 
Na Mwandishi Wetu

KAIMU Mkurugenzi Mkuu wa Shirikaka la Viwango Tanzania (TBS), Mhandisi Tumaini Mtitu, amesema alama ya ubora kwa bidhaa ni chachu ya maendeleo ya biashara kitaifa na kimaifa.

Mtitu aliyasema hao juzi jijini Dar es Salaam wakati wa hafla ya kukabidhi leseni na nyeti kwa wazalishaji 59, waliogawanyika katika sekta mbalimbali ikiwamo usindikaji wa vyakula vya kuku, uhandisi mitambo na umeme.

Mhanisi Mtitu alisema: "alama hii mliyopewa ni uthibitisho kuwa bidhaa zenu zimekaguliwa na kupimwa kwenye maabara za TBS zenye umahiri wa kimatifa na kutambulika,” alisema.

Akuzungumza baada ya kupata leseni na vyeti vya ubora, Meneja Uzalishaji wa Kampuni Mati Super Brands Ltd, Gasper Mlay, alisema kuwa kampuni yao inatengeneza bidhaa kwa kukidhi masoko ya ndani na ya nje.

"Bidhaa zetu tunatengeneza bidhaa ambayo inakidhi masoko ya ndani na ya nje,"alisema Mlay.

KATIBU MKUU MSTAAFU WIZARA YA FEDHA NA MIPANDO ALHAJ RAMADHANI MUSA KHIJJAH AMEFARIKI DUNIA

Aliye wahi kuwa Katibu Mkuu na Mlipaji Mkuu wa Serikali wa Wizara ya Fedha na Mipango, katika Serikali ya Awamu ya Nne, Bw. Ramadhani Musa Khijjah (65), amefariki dunia alfajiri ya kuamkia leo katika eneo la Jet Lumo, wilayani Temeke, mkoani Dar es Salaam.

Maziko yatafanyika kesho April 18, katika Makaburi ya Kisutu Jijini Dar es Salaam, saa 10 jioni.

Msiba uko nyumbani kwa marehemu Ramadhan Khijjah katika eneo la Jet Lumo, Yombo Malawi Hospital-Temeke.

Marehemu Ramadhani Khijjah aliteuliwa na Rais Mstaafu wa Awamu ya Nne, Dkt. Jakaya Mrisho Kikwete kuwa Katibu Mkuu na Mlipaji Mkuu wa Serikali wakati huo Wizara ikijulikana kama Wizara ya Fedha na Uchumi, Novemba 23, mwaka 2008.

Alistaafu utumishi wa umma mnamo na June 12, 2013 akiwa na umri wa miaka 60.

Wakati wa uhai wake, Marehemu Khijjah, atakumbukwa kwa uchapakazi wake hodari, uadilifu, uzalendo na alichukia vitendo vya rushwa,.

Imetolewa na

Benny Mwaipaja
Mkuu wa Kitengo cha Mawasiliano Serikalini
Wizara ya Fedha na Mipango