'SUMMER HOLIDAY' YA BABY MADAHA YAANZA KUTESA

Na Elizabeth John 

MWANADADA anayetamba katika muziki wa kizazi kipya nchini, Baby Joseph Madaha ‘Baby Madaha’, ameachia ngoma yake mpya inayokwenda kwa jina la ‘Summer Holiday’ ambayo imeanza kubamba katika vituo mbalimbali vya redio ndani na nje ya nchi.

Baby Madaha alishawahi kutamba na ngoma yake ya ‘Amour’ ambayo ilifanya vizuri na kumtambulisha katika tasnia ya muziki huo.

Kwa mujibu wa mitandao ya kijamii, Baby Madaha kasambaza ngoma hiyo wiki iliyopita na tayari imeshaanza kubamba katika nchi mbalimbali kutokana na ubora wa wimbo huo.

 “Katika wimbo huo, naamini nimefanya vizuri kutokana na mashairi ya wimbo huo kusimama pamoja na ubora wa kampuni ambayo nimeifanyia kazi hiyo, naomba wapenzi wa kazi zangu wanipokee kivingine zaidi,” alisema.

 Baby Madaha aliwataka mashabiki wake waendelee kumpa sapoti katika kazi zake na kwamba kuna vitu vingi ambavyo amewaandalia, wasicheze mbali na yeye.