COPA DAR ES SALAAM 2019

Tanzania yaichapa Malawi, yaukaribia ubingwa

 Kikosi cha Malawi.

 Nahodha wa Tanzania na Malawi wakisalimiana.

 Kikosi cha timu ya Tanzania

Tanzania imeichapa Malawi mabao 6-4 na kupanda kileleni mwa msimamo wa mashindano ya Copa Dar es Salaam Beach Soccer yanayoendelea kwenye fukwe za Coco jijini Dar es Salaam.

Mabao ya Tanzania katika mchezo huo yalifungwa na Rolland Msonjo na Jaruph Juma waliofunga mawili kila mmoja, huku Yahya Tumbo na Juma Ibrahim wakifunga goli moja moja.
Kwa matokeo hayo Tanzania sasa imefikisha alama sita baada ya kushinda michezo miwili na kupoteza mmoja, wakilingana na Burundi wenye alama sita pia.

Tanzania sasa inahitaji ushindi katika muda wa kawaida kesho Alhamisi dhidi ya Burundi ili kufikisha alama tisa ambazo hazitaweza kufikiwa na timu nyingine yoyote.
Kocha wa Tanzania, Boniface Pawasa alisema “Lengo letu tunataka kuwa mabingwa, tunakwenda kujiandaa kwa mchezo wa mwisho ambao ni lazima tushinde ili kutetea taji letu.”