TAASISI YA THE DESK & CHAIR FOUNDATION YATOA MSAADA WA VYAKULA, BIMA KWA WATOTO

 Watoto wanaolelewa kwenye Kituo cha NIFO HOPE jijini Mwanza, wakifurahia msaada wa chakula na bima ya afya, waliopewa na Taasisi ya The Desk & Chair Foundation.

Na Sitta Tumma, Mwanza

WATOTO wanaolelewa kwenye Kituo cha NIFO HOPE, jijini Mwanza, wamepewa msaada wa vyakula kwa ajili ya kuimarisha afya zao.

Mbali na chakula, watoto wote wa kituo hicho na wengine zaidi ya 300 wanaolelewa maeneo tofauti, wamepatiwa bima ya afya.

Misaada hiyo imetolewa na Taasisi ya The Desk & Chair Foundation, yenye makazi yake jijini Mwanza.

Mwenyekiti wa The Desk & Chair Foundation, Alhaj Sibtain Meghji,  ameueleza ulimwengu kuwa watoro wote wana haki sawa, hivyo matunzo ni lazima.

"Tunazingatia lishe bora, ndiyo maana tumeleta msaada huu kwa watoto wa kituo hiki kinachoendeshwa a NITETEE FOUNDATION ya Jiji la Mwanza.

"Ni muhimu sana kuwasaidia watoto yatima na wanaoishi katika mazingira magumu," amesema Alhaj Meghji.

"Taasisi ya The Desk & Chair Foundation tutaendelea kuisaidia jamii yenye matatizo, ili kujenga taifa jamii inayopendana," amesisitiza Meghji.

Kituo hicho hutoa mahitaji ya maisha kwa watoto, pamoja na TDCF kwa lengo la kuiwezesha jamii kupata faraja.

Watoto hao watapata chakula bora wakati wa kusherehekea Sikukuu ya Krismasi, inayoadhimishwa ulimwenguni kote Desemba 25 kila mwaka.

"Tunataka watoto hawa washerehekee na mwaka mpya kwa furaha, kama watoto wengine wote.

"Na watahudhuria shuleni kwa uhakikisho wa milo nzuri mitatu kwa siku, yaani asubuhi, mchana na usiku," Mwenyekiti wa The Desk & Chair Foundation, Meghji amesema.

Amewawashukuru wafadhili na watu washirika wengine wenye mioyo safi, kwa msaada wao wanaoendelea kusaidia watu walio na upendeleo.

Kwamba misaada hiyo inayotolewa na wafadhili wa The Desk & Chair Foundation inaunda tumaini la maisha bora kwa jamii yenye uhitaji.

"Mwenyezi Mungu awalipe wafadhili wetu leo, kesho na hata milele. Aamina," amesema Meghji.

Hata hivyo, uongozi wa Kituo hicho cha NIFO HOPE pamoja na watoto waliopewa msaada huo, wameeleza kufurahishwa na usaidizi huo.

"Tunaushukuru sana uongozi wa The Desk & Chair Foundation kwa msaada huu. Mungu awabariki daima," amesema mmoja wa watoto kituoni hapo.