KISA CORONA; SERIKALI YA ZANZIBAR YAZUIA NDEGE ZA WATALII KUTUA VISIWANI HUMO

Na Talib Ussi, Zanzibar

Serikali ya Mapinduzi ya Zanzibar (SMZ) imepiga marufuku ndege zote zinazoleta wageni (Watalii) kutoka nje kuingia Zanzibar na wale ambao wataingia kwa kutumia chata za ndani wawekwe karantin kwa kutumia gharama zao wenyewe kwa muda wa siku 14.

Akizungumza na waandishi wa habari Kaimu wa Waziri wa Afya, Mahmoud Thabit Kombo,  katika ziara maalum ya kutembelea vituo vilivyotengwa kwa ajili ya kuwatibu wagonjwa waliopata maambukizi ya virusi vya Corona huko Kidimni Wilaya ya kati Unguja alifahamisha kuwa kwa sasa Zanzibar ina mgonjwa mmoja na hawataki kuongeza wengine.

Alisema wamezuiya safari zoote za watalii kuja Zanzibar ili kupambana na maradhi hayo katika visiwa vya Zanzibar  hadi pale itakapotolewa taarifa nyengine.

“Na yeyote atakayekuja atalazimika kukaa ndani kwa siku 14 kwa gharama zake na hili ni tamko rasimini la SMZ” alieleza Mahmoud.

Alieleza kuwa mamlaka husika zoote usafirishaji watalii ikiwemo uwanja wa ndege, Uhamiaji  na yale mashirika binafsi tayari wameshawaeleza hilo.

“Kwa sababu dunia mzima imechukua hatua hiyo tayari imechukua hatua hii nadhani wageni watakuwa wachache sanaa” alisema.

Alisema hivi sasa mahotel karibuni 95% tayari zimefungwa na zilizobakia ni chache mnoo ,a ambazo zinawageni kutoka Urusi na idadi yake ni 506 na kueleza kuwa nahao pia wataondoka kwa ndege yao maalum inayokuja kutoka nchini kwao na kuondoka nao jumamosi (leo).

“Sisi hatuwezi kuwafukuza raia wa kigeni kiholela hasa nchi ambazo tunafanya nazo kazi vizuri lakini kwa wakati huu kila mmoja anajua jangaa lililoikumba dunia”

Alieleza kwa upande wa makampuni yametoa mashikirikiano mazuri sanaa na  ya kiungwana na na kuleleza kuwa wako tayari kwa chochote kile kwa maslahi ya taifa.

Pia aliwaomba wageni ambao wana nia ya kuja visiwani Zanzibar kwa kipindi hichi wasubiri kwanza mpaka pale haya maradhi yatakapodhibitiwa , alisema kuwa yoyote ambaye ataingia nchini awe tayari kuka chibi wa uwangalizi kwa siku 14 kwa gharama zake mwenyewe.

Kwa upande wake mkurugenzi Kinga  Dk. Fadhil Muhammed aliwataka wananchi kusikiliza maelekezo ya kiafya ili kuepuka ugonjwa huo.

Awala Zanzibar ilifungiya mashirika ya ndege ya Italy kuingia Visiwani Zanzibar kwa ajili ya kuzuia ugonjwa huo kuingia nchini.

Alisema hadi sasa Zanzibar ina mgonjwa mmoja tu ambaye ni raiya wa Ghana aliyotokea Ujarumani.