Chadema yatangaza kauli mbiu yake Uchaguzi Mkuu 'Uhuru, haki na Maendeleo ya Watu'

 

Mgombe wa Urais kwa tiketi ya Chama cha Demokrasia na Maendeleo (CHADEMA), Tundu Lissu, ameweka wazi kuwa kauli mbiu itakoyobeba ilani ya chama  chao.

Lissu amesema kauli hiyo ni ‘Uhuru, Haki na Maendeleo ya Watanzania’.

Lissu ameyaeleza hayo jana  akiwa Jimbo la Kawe ikiwa ni muendelezo wa chama hicho kuzindua kampeni katika jiji la Dar es Salaam lwa siku tatu mfululixo.

Lissu akowa jimboni hapo amesema, chochote kilichopo kwenye ilani ya chama chao kinabeba msingi wa kauli mbiu hizo..

Amesema ilani yao ya Uchaguzi Mkuu huu ina kauli mbiu yenye maneno yafuatayo ambayo ni Uhuru, Haki na Maendeleo ya Watu’, na kuongeza kuwa  chochote ambacho wamekisema katika ilani hiyo msingi wake ni uhuru wa watu na maendeleo ya watu.

“Maendeleo tunayoyataka ni yanayozingatia uhuru wa watu, yanayozingatia haki zao, maendeleo aliyoyaita Baba wa Taifa maendeleo ya watu badala ya vitu”  amesema Lissu.

Mgombea Urais Tundu Lissu na Mgombea Mwenza Salum Mwalimu wakionesha Ilani ya Chadema kwa Uchaguzi Mkuu wa 2020 baada ya kukabidhiwa rasmi na Mwenyekiti wa chama hicho Taifa Freeman Mbowe katika uzinduzi uliofanyika jana Uwanja wa Tanganyika Parkers, Kawe, jijini Dar es Salaam. (Picha na Chadema).

Wananchi wakifuatilia mkutano wa uzinduzi wa kampeni za Mgombea Urais wa Chadema, Tundu Lissu katika Uwanja wa Liwiti, Segerea jijini Dar es Salaam.