TMDA YAZINDUA MRADI WA ASCEND

 

Mganga Mkuu wa Serikali Prof. Abel Makubi, akizungumza wakati wa uzinduzi wa mradi wa mradi wa ASCEND.

 Mkurugenzi Mkuu wa TMDA Adam Fimbo, akizungumza wakati wa uzinduzi huo.

Na Asha Mwakyonde

MAMLAKA ya Dawa na Vifaa Tiba (TMDA) imezindua mradi wa ASCEND wa miaka miwili na nusu unaolenga kudhibiti mifumo ya majaribio ya dawa kwa binadamu  na tafiti mbalimbali zinazofanyika nchini.

Akizungumza jjijini  Dar es Salaam leo  mara baada ya kuzindua mradi huo  Mganga Mkuu wa Serikali Prof. Abel Makubi amesema ASCEND  itawasaidia TMDA  kuhakikisha majaribio ya dawa kwa binadamu nchini inakuwa kwa viwango stahili

Amesema kama kipimo kikionyesha  kuwa na uwezo wa kugundua maradhi,mradi huo utakuwa chachu kwa TMDA kuondoa baadhi ya changamoto katika shughuli zake,ikiwemo kuchelewa kutolewa majibu haraka za majaribio ya dawa zinazofanyika nchini”amesema.

"Na matokeo ya majibu yanayotarajiwa Kama ni dawa ikaonekane ina uwezo wa kutibu binadamu,"amesema mganga huyo.

Prof. Makubi amesema kuna haja ya TMDA kuangalia gharama zinazotozwa hasa kwa wanafunzi wanaofanya majaribio ya dawa ikiwa ni sehemu ya masomo yao kwani wamekuwa wakipitia changanmoto nyingi kumudu gharama zilizopo.

Makubi amesema Serikali imeukubali mradi huo na iko tayari kuwasaidia lakini wahakikishe tafiti zote za majaribio ya kitabibu zinadhibitiwa vizuri na kwa viwango vya juu vinavyostahili na kutoa majibu yanayotarajiwa.

Hata hivyo Prof. Makubi ametoa wito kwa Mamlaka ya Chakula na Dawa Nchini TMDA kuwa inatakiwa kuwajengea usezo watafiti ambao bado ni vijana kwani baadae watakuja kusimamia  na kuhakikisha  majaribio ya  kitanibu  matunda yanaonekana.

Kwa upande wake Mkurugenzi Mkuu wa TMDA Adam Fimbo alisema utekelezaji wa mradi huo, utawasaidia kwa kiwango kikubwa kuboresha mifumo ya dawa,namna ya kupitisha maombi ya dawa kabla ya kufanyika nchini  na kuweka mifumo bora itakayofuatilia  watumiaji wa  dawa za majaribio.

“Tutaweka mfumo ambao utahakikisha wote wanaotumia dawa za majaribio wanakuwa salama muda wote na kuwatunza wote wanaoshiriki katika majaribio ya dawa”amesema.

Fimbo amesema kupitia Chuo Afya  na Sayansi Shirikishi Muhimbili (MUHAS)kupitia mradi huo mafunzo yatatolewa wanaofanya utafiti ili kuwa na uelewa mpana juu ya masuala ya utafiti

Ameongeza kuwa mradi huo unahusisha Tanzania bara na visiwani,lengo likiwa  ni kuleta wataalamu waliobobea.

 Mkurugenzi huyo amesema  mradi huo umehusisha taasisi saba ikiwemo MUHAS ,Taasisi ya Utafiti wa Magonjwa ya Binadamu (NIMR),Mamlaka ya Chakula na Dawa Zanzibar (ZFDA) ,Chuo kikuu cha St Andrews ya Scotland Taasisi ya Utafiti Kilimanjaro (KCRI).

"Mradi huu umehusisha taasisi  kutoka nchi zilizoendelea, ikiwa ni utaratibu  uliopo katika taasisi ya kimataifa EDCPT, amesema.

EDCPT ambayo ndio wafadhili wa mradi huo kwa miaka miwili na nusu  hutoa fedha  kwa nchi zinazoendelea na zilizopo bara la Ulaya kwaajili ya kusaidia tafiti mbali mbali ikiwemo uboreshaji wa mifumo hasa udhibiti wa majaribio ya dawa.

Naye  Afisa Utafiti kutoka Taasisi ya UItafiti Afya Zanzibar (ZAHRI) Hamis Rashid Kheri   amesema mradi huo utaisaidia Tanzania kufanya tafiti .