JAMII YA KIZANZIBAR YATAKIWA KUTILIA MKAZO ELIMU YA MADRASA

Makamu  wa Kwanza wa Rais Othman Masoud Othman ameitaka Jamii ya Kizanzibar  kutilia mkazo elimu ya Madrasa hasa Qur an  kwani ni msingi mkubwa wa mafanikio ya duniani na akhera.

Alitoa wito huo katika  mashindano ya kuhifadhi qur an huko Vitongoji Kibokoni Wilaya ya Chake chake Mkoa wa Kusini Pemba

Makamu alisema kuwa Elimu ya Madrasa ni Msingi wa maandalizi ya mtoto hasa za kiafrika kiakili, kimwili, kijamii hata kimadili.

Alieleza  kuwa suala kuhifadhisha Qur an  humsaidia mtoto katika kumjenga na  kuwatayari kusoma elimu nyengine.

Kutokana na umuhimu huo Serikali imeweka elimu ya Madrasa kuwa sehemu ya elimu ya maandalizi Visiwani Zanzibar.

alisema watoto wengi ambao hujisomea elimu hiyo wanapofika kutafuta elimu skuli huwa ni wenye kufahamu sana.

Aidha aliwata wazee kusaidiana na waalim wa Madrasa  kwa kuhakikisha watoto wanafika kwa wakatii ili kuwapatia hamu waalimu katiika kuwasomesha.

Alisema kama wazee watawabidiisha watoto wao katika kutafuta elimu hiyo basi Zanzibar itakuwa na kizazi chema baadae.

Alimuomba Allah kuwapa barka waalimu hao kwa kuwahifadhisha watoto Qur an kwa kile alichosema malipo yao watataona kesho akhera.