Waziri Mkuu abariki ujenzi wa VETA Ruangwa

WAZIRI Mkuu, Kassim Majaliwa  ameweka jiwe la msingi la mradi wa ujenzi wa Chuo cha Ufundi Stadi cha Wilaya ya Ruangwa mkoani Lindi leo Juni 07.2021.

Mradi huo unatekelezwa na Halmashauri ya Wilaya ya Ruangwa kwa kusimamiwa na Mshauri Elekezi, Chuo cha Ufundi Arusha (ATC), kwa gharama ya Sh. bilioni 2.2 chini ya Mradi wa Kukuza Elimu na Ujuzi kwa Kazi zenye Tija (ESPJ).

Chuo hicho kitakapokamilika kitakuwa na uwezo wa kudahili wanafunzi 560 kwa mwaka katika fani za ufundi umeme, useremala, uungaji na uchomeleaji vyuma,uashi, ushonaji na mitindo ya mavazi, usindikaji vyakula  na TEHAMA.