Polisi Pwani yawanasa watuhumiwa wa ardhi na wizi wa mifugo

Kamanda wa Polisi Mkoa wa Pwani Pius Lutumo akizungumza na waandishi wa habari hawapo pichani kuhusiana na kukamatwa kwa watuhumiwa hao.

 

 Na Victor Masangu, Pwani 

Jeshi la polisi Mkoa wa Pwani limefanya msako mkali na kufanikiwa kuwakamata watu wapatao 21 kwa tuhuma za makosa mbali mbali likiwemo na kunasa mtandao wa matapeli sugu wa mtandao wa matukio ya wizi wa mifugo pamoja na utapeli wa ardhi.

Akizungumza na waandishi wa habari ofisini kwake Kamanda wa Polisi Mkoa Pwani  Pius Lutumo amebainisha kuwa mtumumiwa mmoja wa wizi wa ng'ombe alipigwa risasi na kufariki dunia wakati akipelekwa hospitali kwa ajili ya matibabu.

Aidha Kamanda alibainisha kuwa mtu mmoja ambaye jina lake linahifadhiwa aliibjwa ng'ombe wake nane baada ya kuvunjiwa zizi na watu ambao hawajulikani ambapo walinzi wawili wachungaji waliokuwa wakilinda katika kambi hiyo walikamatwa na wahalifu.

Alifafanua kuwa katika tukio hilo mchungaji mmoja alifanikiwa kuwatoroka wahalifu hao baada ya kujeruhiwa mkonini huku mwenzake aliyejulikana kwa jina la Ally Msonde alipoteza maisha yake baada kukutwa porini akiwa amekatwa shingoni na kitu chenye ncha kali shingoni.

Katika hatua nyingine Jeshi hilo linamshikilia mtu mmoja aliyefahamika kwa majina ya Mariam Patrick  kwa tuhuma za kumtapeli kiasi cha shilingi zaidi ya  milioni tisa askofu wa kanisa la mlima wa mabadiliko aitwaye Modestus Ndago.

Aidha Jeshi la Polisi limemtaka mtu mmoja ajulikanaye kwa jina la Hassan Kanyuanyua kujisalimisha mara moja katika kituo Cha polisi kwa tuhuma za kufanya  utapeli wa viwanja.

                 

Kadhalika Jeshi hilo limetoa wito kwa mtu yoyote ambaye anajihusisha na mtandao wa uuzaji wa viwanja na mashamba pasipo njia ya halali kuachana na tabia hiyo mara moja kwani kunasababisha kuibuka kwa migogoro ya ardhi.