WAJUE WA ANGOLA WA SIMBA SC

Desportvo 1st De Agosto jina lao la utani ni 'Os aglorioso' yaani watukutu. Miamba ya Soka kutoka Angola klabu ya Jeshi la Angola yenye misuli mikubwa ndani ya Angola na Afrika kwa ujumla.

De Agosto inashika nafasi ya 2 kwa mafanikio nyuma ya Petros Atletico De Luanda ambao wanamilikiwa na Kampuni ya mafuta ya Sonangol.

De Agosto miaka mingi imekuwa ikishiriki michuano ya CAF lakini kwa miaka ya karibuni ilifika hatua ya nusu Fainali ya Ligi ya Mabingwa kabla ya kutolewa na Esperance (Mabingwa) kwa Aggregates ya 4-3, 2018

Agosto waliyumba miaka ya 2019,20 na 21 kutokana na janga la Corona ambalo liliathiri sana Soka la Angola kwa ukubwa wao.

Msimu huu wamerejea tena kusaka ubora wao baada ya msimu mitatu kupita bila kufanya vizuri CAF, na misimu miwili nyuma walitolewa na Namungo FC.

Pamoja na kuwa rekodi nzuri kwenye michuano ya CAF bado watakuwa na mlima mrefu wa kupanda wa Simba SC ambayo imezidi kujichimbia umwamba kwenye Soka la Afrika.

Simba watakuwa na kazi yakuendeleza ubabe kwa misimu hii mitano ambayo kila timu inayokutana na Simba hujidhatiti kuizuia Simba na sio kucheza dhidi ya Simba jambo ambalo linaiweka Simba kwenye wakati mzuri wa kucheza mchezo wao.

Simba wataanzia De Luanda nchini Angola kisha kurejeana nao jijini Dar es Salaam.