YANGA MIKONONI MWA IBENGE

Na John Marwa

BAADA ya kufanikiwa kutinga hatua ya awali ya mtoano kuwania kufuzu hatua ya makundi Ligi ya Mabingwa Afrika CAFCL. Mabingwa wa Tanzania Yanga SC wameangukia mikononi mwa Al Hilal ya Sudan.

Yanga wametinga hatua hiyo kwa kishindo kwa kuwachabanga Zalan FC ya Sudan Kusini mabao 9-0 na Sasa wanakutana na Al Hilal inayonolewa na mkongomani Florent Ibenge ambaye amewahi kuzinoa AS Vita Club na RS Berkane.

Wakati Yanga wakitakata Al Hilal wao wamewaondosha St George ya Ethiopia kwa faida ya bao la ugenini baada ya jana kushinda bao 1-0 na mchezo wa mkondo wa kwanza walipoteza mabao 2-1 na jumla matokeo yanawabeba Al Hilal.

Jambo zuri la kuvutia Yanga wanakutana na Al Hilal ya Ibenge ambaye anaujua ubora wa nyota wao wengi ambao wamewahi kupita kwenye mikono yake.

Hapa ndipo ubora na ugumu wa mechi unapokuja ukiachilia mbali ubora wa vikosi vyote viwili kwa namna walivuowekeza.

Yawezekana kikawa kipimo bora kwa Yanga licha ya ubora wa mchezaji mmoja mmoja. Yanga watanzia nyumbani kati ya Oktoba 7-10 kabla ya kwenda nchini Sudan katika mkondo wa pili.

Mshindi wa jumla wa michezo yote miwili anatinga hatua ya makundi Ligi ya Mabingwa Afrika CAFCL.

Michezo mingine ambayo itapigwa katika hatua hiyo ya awali ni kama ifuatavyo.

Plateau Utd  vs Espérance, Monastir  vs Al Ahly, ASN Nigelec  vs  Raja Vipers vs  TP Mazembe, Volcan Club  vs  Sundowns, Al Merreikh  vs  Ahli Tripoli, Agosto  vs  Simba SC, RC Kadiogo  vs  AS Vita na Cape Town City  vs Petro Atletico.