HABARI MSETO BLOG

CHADEMA KUSIMAMIA UTAWALA BORA, WAKAZI WA KYELA WAJITOKEZA KWA WINGI

Na Ibrahim Yassin, Kyela

KATIBU mkuu wa Chama Cha Demokrasia na Maendeleo (CHADEMA) Dkt,Wilbrod Slaa alisema kama chama chake hakitasimamia misingi ya utawala bora haina sababu ya wananchi kuichagua kuongoza nchi katika uchaguzi ujao wa mwaka 2015.

Kauli hiyo aliitoa jana wakati akihutubia maelfu ya wananchi katika mkutano wa hadhara uliofanyika katika uwanja wa Siasa wilayani Kyela mkoani Mbeya katika muendelezo wa Opereshen Pamoja Daima ya M4c.

Dkt, Slaa alisema kuwa watanzania wamefikishwa mahali pabaya na Serikali ya Chama Cha Mapinduzi hali iliyopelekea Nchi ya Tanzania kuwa ya pili kwa umasikini katika Nchi za Afrika wakati Nchi ni ya pili kuwa na rasilimali nyingi katika Afrika.

Alisema kinachasababisha nchi kuwa masikini ni kutokana na misingi mibovu ya Serikali ya Chama Cha Mapinduzi na kwamba ili nchi iondokane na hali hiyo wananchi wanatakiwa kufanya maamuzi magumu ya kutoichagua tena katika uchaguzi ujao na kuwa wanatakiwa kuichagua Chadema kuanzia vijiji hadi urais.

Alisema misingi mibovu ya Chama cha mapinduzi ndiyo sababu ya nchi hii kuyumba na kupelekea hadi kuwa wapili kutoka mwisho kwa umasikini Afrika hali ya kuwa Tanzania ni ya pili kuwa na lasilimali nyigi inayoweza ikawaondoa katika lindi la umaskini kama viongozi wangekuwa na mipango mizuri isiyokuwa ya kifisadi.