TV KUBWA KUFUNGWA UWANJA WA KARUME KESHO, KUANGALIA STARS NA LIBYA

Kikosi cha Stars.

Na John Marwa 

KUELEKEA mechi ya pili ya kuwania kufuzu AFCON 2021 kati ya Libya dhidi ya Tanzania, Shirikisho la Soka Tanzania (TFF)  kwa kushirikiana na Kamati ya Wanahabari pamoja na Wadhamini wakuu wa Taifa Star's Kampuni ya Bia ya Serengeti imeandaaa Big Screen kwa ajili ya Watanzania wote kukusanyika pamoja kushuhudia mchezo huo utakaoanza majira ya saa 4 Usiku kwa saa Afrika Mashariki. 

Stars wanatarajia kushuka dimbani kesho kuwavaa Libya mchezo wa pili hatua ya makundi wakiwa na kumbukumbuku ya kupata ushindi mtanange wa ufunguzi ulichezwa Novemba 15 Uwanja wa Taifa jijini Dar es Salaam Stars wakiibuka na ushindi wa mabao 2-1 dhidi ya Equatorial Guinea. 

Taarifa ya TFF imeeleza kuwa Watanzania wote wanakaribishwa katika makao makuu wa TFF Karume jijini Dar es Salaam, kuanzia saa 12 Jioni, vinywaji na Chakula vitapakana. 

Pia imeongeza kuwa hakutakuwa na kiingilio, bali ni  kuvaaa jezi ya Stars, fika Karume kuiandika historia mpya #AFCON 2021twenzetutena