Wazazi Sekondari ya Balang’dalau wakerwa kuchangishwa Michango ya Shule

Na Mwandishi Wetu, Katesh Arusha

SERIKALI ikiwa imewaonya mara kadhaa Wakuu wa Shule za Umma, kutowachangisha Wazazi michango m inatoa Elimu bila Malipo, Wazazi wenye kipato duni  wa Sekondari ya Balang’dalalu Katesh wamedai, wanakerwa na Makamu Mwenyekiti wa Kamati ya Wazazi, Nehemia Lori, anayeendelea kuwachangisha Michango iliyokatazwa na Rais, John Magufuli, akitumia Akaunti Na. 41010012949 NMB,

Mapema Serikali ilipofunga Shule na Vyuo kwa sababu ya Ugonjwa wa Homa Kali ya Mapafu COVIC-19, Mwenyekiti wa Kamati hiyo Lori wa Sekondari hiyo aliwataka Wazazi, kuchangia Sh. 40,000/- na Shajala (Rim moja Rulled Paper na Plain), ambapo Wazazi wa Watoto wa Mwaka wa kwanza waliishangaa kuchangishwa fedha hiyo, kwa maana hawajawahi kukubaliana naye kama vipeperushi vyake vinavyoeleza.

Ujumbe wa vipeperushi vya Machi 17, 2020, uliotumwa kwa Wazazi/Walezi Lori ulisema, “Kamati ya Wazazi inakuomba kulipa Tsh. 40,000/- ambayo ni makubaliano ya Kikao cha Wazazi pia rim (1) moja ya A4, na Ruled (1) moja Jina la Akaunti Kamati ya Wazazi Shue ya Sekondari Balang’dalalu 41010012949 NMB. P.o. Box 67, Katesh.”.lilisema ombi hilo ambalo ni mchango wa kila Mwaka.

Alipoulizwa na kuhusu malipo hayo na Mwandishi, Kaimu Mwenyekiti wa Kamati hiyo, Lori, alikiri ni kweli walituma vikaratasi hivyo kwa wazazi yakiwa ni makubaliano waliyokubaliana, ambapo Wazazi wa Mwaka wa Kwanza walikanusha hawajawahi kukaa na Kamati hiyo wakazungumzia maombi hayo ambayo hulipwa kila mwaka (40,000/- X Wanafunzi wote shuleni).

Alipobanwa malipo hayo ni ya nini wakati Serikali inatoa Elimu bila malipo Lori alisema ni kwa ajili ya kuwalipa Walimu wanaofundisha masomo kutokana na ukosefu na Uchache wa Walimu, Walinzi, Ukarabati wa Majengo, Maji na vitu vingine ambapo wazazi walidai ni miongoni mwa vitu vinavyowakera kama ambavyo Serikali ya awamu ya tano ya Rais, Magufuli, vinavyomkera hasa watendaji wanapokiuka maagizo yake  na kuchomeka visingizio vyao.

Ikumbukwe; Januari 18, 2018 Rais Magufuli alisema Serikali yake inatoa Shilingi Bilioni 23.875 kila mwezi kwa ajili ya kuwezesha utoaji wa elimu bila malipo hivyo, inamshangaza kuona bado kuna walimu wanaendelea kuwatoza michango ama kuwarudisha nyumbani wanafunzi ambao wanashindwa kutoa michango hiyo.

“Haiwezekani! Tumefuta Ada, halafu baadhi ya Walimu Wakuu wanaamua kuanzisha tena michango mingine mikubwa ambayo watu maskini wanashindwa kusomesha Watoto wao”.alionya Rais Magufuli.

Katika hotuba yake ya ufunguzi wa Bunge Magufuli alipiga marufuku michango yote ya lazima kwa wazazi katika elimu, ambapo baada ya tamko hilo serikali ilitoa miongozo inayoelekeza namna elimu bila malipo itavyotekelezwa kwa kuelekeza majukumu ya serikali kwa upande mmoja na wazazi kwa upande wa pili, ingawa bado kuna wanaojiita kamati za wazazi wanaoendeleza michango hiyo kinamna.

Miongozo hiyo ni utumiaji wa fedha katika utekelezaji wa elimu bila malipo kwa shule za msingi na sekondari ambao ulifafanua namna fedha ya ruzuku ya uendeshaji wa shule zitakavyotumika, ambapo upande wa shule za msingi asilimia 30 ni kwa ajili ya vifaa vya kufundishia na kujifunzia, asilimia 30 ukarabati, asilimia 20 gharama za mitihani, asilimia 10 kwa ajili ya michezo na asilimia 10 ni kwa ajili ya utawala.

Awali aliposisitiza utekelezaji wa onyo la Magufuli kuhusu tamko hilo Waziri wa Elimu Sayansi Teknolojia na Mafunzo ya Ufundi Prof. Ndalichako aliwataka walimu wote ambao tayari walikuwa wamekwisha kuchangisha fedha hizo, kufanya utaratibu wa kurejesha kwa wazazi michango hiyo na kutoendelea tena na utaratibu huo uliopigwa marufuku na rais Magufuli.

Prof. Ndalichako aliwataka Walimu kote nchini kufuata miongozo ya utumiaji wa fedha katika utekelezaji wa elimu bila malipo kwa upande wa shule za msingi na sekondari kama ulivyofafanuliwa na kuagizwa namna ambavyo fedha ya ruzuku ya uendeshaji shule zitakavyotumika.