MAJIMBO MENGI KUONGOZWA NA WANAWAKE - CUF

 

 

 Na Asha Mwakyonde

MAKAMU Mwenyekiti  Jumuiya ya wanawake wa Chama cha Wananchi (CUF) ambaye pia ni mbunge viti maalumu  aliyemaliza muda wake  Mkoa wa Kigoma Kiza Mayeye  amesema  mwaka huu wanawake wamekuwa na mwamko katika suala la siasa.

Akizungumza kwa njia ya simu jana Kiza amesema wanawake wemgi wamejitokeza kugombea majimbo.

Kiza amesema kuwa walioshinda uchaguzi Mkuu wa mwaka 2015 waliwatia moyo  kuwafanya wengine wajitokeze kugombea tofauti na hapo awali.

Amesema mwaka huu 2020 wabunge wanawake watakuwa wengi bungeni kutokana na mwamko wa kisiasa ulivyo tofauti na miaka ya nyuma.

"Sina wasiwasi wowote tunajua nguvu ya  mwanamke  naamini majimbo mengi yataongozwa na wanawake hiyo wanaume wajipande kisawa sawa,"amesema Kiza.