Wafanyabiashara watakiwa kujifunza uendeshaji biashara

 Na Asha Mwakyonde, Dar es Salaam

WAFANYABIASHARA nchini wametakiwa kujifunza kuhusu uendeshaji wa biashara kutokana na Dunia kwenda kwa kasi itokanayo na teknolojia hivyo lazima wajifunze ili kujua taarifa muhimu za  kibiashara.

Hayo yamesema jana na Kaimu  Meneja wa  Uendeleaji wa Bidhaa  Tantrade Masha Hussein kwenye Maonyesho ya 45 ya Biashara ya Kimataifa Dar es Salaam (DITF) maalufu Sabasaba yenye kauli mbiu ' Uchumi wa Viwanda kwa Ajira na Biashara Endelevu'.

Amesema kuwa  Tantrade ipo kwa  ajili  ya kuwajengea uwezo wafanyabiashara  hivyo kikubwa ni lazima wakubali kujifunza ili kuweza kuona dunia inakwendaje na kuna nini katika sekta ya hiyo ya bishara.

“Ifike mahala sasa wafanyabiashara wetu lazima wakubali kwamba Dunia inakwenda kasi mno na kila kitu kipo kwenye digitali hivyo kuna haja ya kujifunza na nakuona wengine biashara wanafanyaji ili kuweza kuleta tija katika biashara wanazozifanya nasisi kama wasimamizi tupo kwa ajili ya kuwapa elimu na miongozo “amesema Masha.

Kwa upande wake Mwenyekiti wa Chama cha wanawake wajasiliamali nchini TWCC, Mercy Silla amesema kuwa ni muhimu kwa wafanyabishara kuhudhulia mikutano ya ana kwa ana ambayo inaandaliwa na mamlaka ya biashara iliyo chini ya wizara ya viwanda Tantrade ili kupata uewelea zaidi kuhusu masoko na mahusiano ya kibiashara,

Ameongeza kuwa zipo changamoto za masoko kwa baadhi ya wafanyabishara kwakutokujua namna ya kupata masoko hivyo kama watapata wasaa wa kuingia kwenye mikutano hiyo watajifunza mambo mengi yanayohusu biashara na fursa zake.

“kimsingi maonyesho hadi kufikia leo yanaakwenda vizuri na kama mnavyoona hapa kumechangamka na kikubwa wanawake wamejitokeza sana katika maionyesho haya jambo ambalo linaleta faraja hususani kwenye sekta ya biashara hapa nchini”amesema Mercy.

Pia ameendelea  kusisitiza kwa kuwataka wanawake kujitahidi kuboresha bidhaa zao hususani kwenye vifungashio ili kuleta ushindani katika eneo hilo la biashara kwakutambua kuwa ushindani ni mkubwa mno ili lazima kujitangaza  kwa kuwa na bidhaa zilizofungashwa vizuri.