MIHAMBWE WAJIVUNIA MWAKA MMOJA RAIS SAMIA MADARAKANI

 

Na Mwandishi Wetu, Mihambwe

Afisa Tarafa Mihambwe Emmanuel Shilatu amezungumzia mwaka mmoja wa Rais wa Jamhuri ya Muungano wa Tanzania Mhe. Samia Suluhu Hassan madarakani kuwa wenye mafanikio na wakijivunia mafanikio tele yaliyopatikana kwenye nyanja mbalimbali za kielimu, afya, kichumi na kijamii.

Hayo yamejili kwenye kikao kazi alichokifanya Gavana Shilatu kuzungumza na viongozi ambapo amekiri Rais Samia kuupiga mwingi ndani ya mwaka mmoja wake madarakani.

"Kwa niaba ya Wananchi Tarafa ya Mihambwe tunajivunia mwaka mmoja wa Rais Samia madarakani umejaa amani, utulivu, maendeleo na neema tele kwa Tarafa ya Mihambwe. Mathalani Rais Samia ameleta Tsh. 500,000,000/- kujenga kituo cha afya cha Tarafa ya Mihambwe; Rais Samia ameleta Tsh. 420,000,000/- kujenga Madarasa 21 shule za sekondari na msingi; Rais Samia ameleta fedha kwenye miradi mbalimbali ya maendeleo, fedha kwa ajili ya kutoa huduma kwa jamii; Rais Samia ameendelea kuleta fedha kutoa elimu bure. Kiukweli Rais Samia ameupiga mwingi sana kwetu wana Tarafa ya Mihambwe na viunga vyake. Ahsante sana Rais Samia kwa kutupenda Watanzania." Alisema Gavana Shilatu 

Gavana Shilatu pia aliwasisitiza viongozi kuwa wadau wazuri kueleza mambo mazuri yaliyofanywa na Rais Samia kwa Wananchi kupitia mifano halisia ya kimaendeleo iliyopo kwenye maeneo yao. 

*Wakati huo huo* Gavana Shilatu amefanya ziara kutembelea miradi mbalimbali ya kimaendeleo ambapo amesisitiza uwazi, ushirikishwaji, ufanisi, kasi kuikamilisha kwa wakati na ubora unaolingana na thamani ya fedha.

Katika ziara hiyo Gavana Shilatu aliambatana na viongozi Serikali Kijiji, viongozi wa Chama Cha Mapinduzi (CCM) waliokuwa wakikagua utekelezaji ilani ya uchaguzi CCM ambapo wameridhishwa na utekelezaji wake.