Rose Muhando, Zaza Mokheti kutumbuiza Tamasha la Twen'zetu kwa Yesu Agosti 13 Dar

Mkurugenzi wa Upendo Media, Neng'ida Johannes.

 

Na Hussein Ndubikile, Dar es Salaam

Waimbaji Nyota wa Nyimbo za Injili Rose Mhando na Zaza Mokheti kutoka Afrika Kusini wanatarajia kutumbuiza katika Tamasha la Twen'zetu kwa Yesu linalotarajiwa kufanyika Agosti 13 mwaka huu katika Uwanja wa Uhuru jijini Dar es Salaam.

Akizungumza na wanahabari leo jijini humo Mkurugenzi wa Upendo Media, Neng'ida Johannes, amesema kuwa tamasha hilo limeandaliwa na Kanisa la Kiinjili na Kilutheri Tanzania (KKKT) na kwamba limelenga kuwajenga vijana kua na maadili mema.

" Tamasha hili linafanyika kwa mwaka wa tisa tangu lilipoasisiwa mwaka 2014 katika kipindi hicho tamasha limekuwa likiwagusa vijana wa aina zote, kwani paoja na kwamba linaandaliwa na taasisi ya kikanisa lakini hili si kwa ajili ya Wakristo tu bali wa imani zote," amesema Neng'ida.

Amebainisha kuwa vijana zaidi ya 25,000 wengi kutoka Dar es Salaam wengine kutoka mikoa ya jirani pamoja na wa nchi za Rwanda, Jamhuri ya Kidemokrasia ya Kongo (DRC) na Uganda.

Amesisitiza kuwa tamasha hilo limebeba kauli mbiu isemayo Wazamani Siwasasa likihimiwahiza vijana kuachana na mabo ya kizamani badala yake waishi kisasa kwa kuacha tabia za uongo, ulevi, fitina, uvivu na mahusiano yasiyo mema. 

Ameongeza kuwa tamasha litaanza saa 2 asubuhi mpaka saa 12 jioni huku viingilio vitakuwa Sh 5000 na kwamba tiketi zinapatikana Mlimani City, KKKT- Mbezi, Kimara, Mbagala na Luther House- Upendo Media.

Amesema kuwa Askofu wa KKKT Dayosisi ya Mashariki na Pwani Dkt. Alex Malasusa atafungua tamasha hilo  litakuwa na wanenaji mbalimbali ambao watanogesha tamasha hilo akiwemo Mkuu wa Mkoa Mstaafu wa Tabora, Agrey Mwanri, Mchungaji Msaidiziwa Dayosisi ya Mashariki, Deogratius Msanya. 

Amewataja waimbaji na kwaya mbalimbali zitakazotumbuiza katika tamasha hilo ni Rehema Semfukwe, Hyper Squad, Yamungu Mengi (Komando wa Yesu), Kwaya ya AIC Chang’ombe, The Survivor Kwaya ya Efatha Morovian, Essence of Worship, Praise Team ya KKKT, DMP Jimbo la Magharibi, Kwaya ya Vijana KKKT Usharika wa Vituka, Kwaya ya Uinjilisti Haleluya ya KKKT Usharika wa Mbezi Beach, Kwaya ya Vijana Mabibo Farasi, Kwaya ya Vijana KKKT Kitunda Relini na Kwaya ya Vijana KKKT Kinyamwezi.

Amweaondoa hofu watakaoenda tamshani kwani Jeshi la Polisi Mkoa wa Temeke limejipanga kuimarisha ulinzi na usalama kwa kushirikiana na vikosi vingine vya ulinzi.

Kwa upande, Meneja wa Uwanja huo, Redempta Nyahonge amesema wamejipanga vyema kiusalama licha ya kuwa na Mechi ya Simba na Yanga itakayochezwa Saa 1 usiku siku katika Uwanja wa Benjamini Mkapa.

Pia amesema watu wataingia uwanjani hapo upande wa Mageti makubwa ya uwanja wa nje na kwamba magari yataegeshwa eneo la uwanaja huo.