KAPOMBE, ZIMBWEJR WAITAWA STARS KUIVAA UGANDA

Na John Richard Marwa

Walinzi wa Kimataifa wa Tanzania na Klabu ya Simba Shomary Kapombe na Mohamed Hussein ZimbweJr wamejumuishwa kwenye kikosi cha Timu ya Taifa Taifa Stars mara baada ya kikosi hicho kurejea nchini kutokea Misri ambako walipata ushidi dhidi ya Uganda ambao watarejeana jumanne wiki ijayo.

Kapombe na ZimbweJr waliachwa katika kikosi cha Stars mara baada ya kuitwa hivi karibuni baada ya ujio wa Kocha Mkuu Adel Amrouche, uteuzi ambao ulitolewa maoni mengi na wadau wa Soka kutojumuishwa kikosini nyota hao ambao wamekuwa na ubora mkubwa ndani ya Klabu ya Simba ambayo imetinga Robo Fainali ya michuano ya Ligi ya Mabingwa Afrika CAFCL.

Tayari wawili hao wamejiunga na timu na wameanza mazoezi kuendea mchezo wa jumanne dhidi ya Uganda mtanange ambao utatoa picha ya Stars kufikia malengo ya kufuzu Fainal za Mataifa ya Afrika AFCON 2023 Ivory Coast zitakazofanyika mwaka 2024 January.

Tanzania Iko kundi G la kusaka nafasi ya Fainali hizo ambapo Algeria anaongoza akiwa na pointi 9, Stars ponti 4, Niger pointi mbili huku Uganda wakibuluza mkia na pointi moja.