CHAMANZI KUUTAKA UFALME WA TEMEKE SAFARI YA BEACH

Mashabiki Wa Bondia Shazil Hija Wa Chamanzi Magengeni  Wamemtambia  Mpinzani Wao Mrisho Mzezele Wa Mbagala Rangi Tatu Kwa Kumchapa TKO kwenye Pambano La Safari Ya Beach oktoba,22,2023 Dar es Salaam.

Wakizungumza wakati wakiendelea na hamasa ya maandalizi ya pambano lao litakalofanyika Rongoni Beach Kigamboni wamesema Mpinzani wao Safari Hii atakutana na kipigo cha paka mwizi  ulingoni zaidi Ya kipigo alichokipata kwenye pambano lililopita.

Kwa upande wake Bondia Shazil Hija Amesema Anamjua vizuri mpinzani wake hivyo atamchapa kwenye ulingo kama mtoto aliyegoma kwenda shule.

Pambano la Safari Ya Beach (Dar Boxing Derby) Linalotarajiwa kufanyika oktoba 22, mwaka huu katika fukwe Ya Bahari Rongoni Beach iliyopo kigamboni Jijini Dar es salaam.