Na Selemani Msuya
WAZIRI wa Utamaduni, Sanaa na Michezo, Dk Damas Ndumbaro ameanisha maeneo ya kipaumbele ambayo Tanzania inaomba kushirikiana na China katika kukuza sekta hiyo.
Aidha, Waziri Ndumbaro ameiomba China kusaidia Tanzania ujenzi wa viwanja vya mpira ambavyo vitatumika kuandaa Kombe la Afrika (AFCON) 2027.
Dk Ndumbaro ameanisha hayo Septemba 29 katika Tamasha la Tamasha la Mid-Autumn na kusherehekea miaka 10 ya Mpango Road an Belt Initiative (BRI) ambao unatekelezwa na China kwa kushirikiana na Afrika, Tanzania ikiwa mojawapo.
Alisema miaka 10 ya BRI imekuwa na matokeo makubwa kwa nchi husika na eneo la miundombinu limefanikiwa na kwa kuzingatia programu iliyosainiwa chini ya sekta ya utamaduni, sanaa, na michezo wanaomba mkazo uongezwe katika sekta hiyo muhimu.
"Sekta ya utamaduni na sanaa inahitaji ushirikiano zaidi kati ya Tanzania na China, hasa kwenye ujenzi wa
miundombinu ya utamaduni haswa katika mji mkuu mpya wa serikali (Dodoma). Katika kesi hii, tunaiomba serikali ya China kusaidia mradi wa ujenzi wa Jumba la Utamaduni la Kitaifa ulioanzishwa na Serikali ya Tanzania kwa lengo la kuonyesha utambulisho wa Tanzania na shughuli zote za kitamaduni chini ya paa moja,"amesema.
Waziri Ndumbaro amesema pia wanatafuta msaada katika eneo la ujenzi wa uwezo kwa kutoa warsha na mafunzo kwa wadau wa utamaduni na sanaa (Maofisa wa Wizara na Utamaduni) ili kuboresha ujuzi wao haswa katika Uhifadhi na Usimamizi wa Urithi wa Utamaduni wa Kimaumbile, Sanaa na Tasnia ya Ubunifu.
Alitaja eneo lingine la kipaumbele ambalo wanaomba China kusaidia sekta hiyo ni maendeleo ya lugha ya Kiswahili ambapo amebainisha kuwa Tanznaia ina fursa kwa Wachina kujifunza Kiswahili na Watanzania kujifunza lugha ya Kichina kwa kuzingatia kwamba lugha ni chombo muhimu cha mawasiliano na inakuza biashara na shughuli zote kati ya watu wa nchi hizi mbili.
Pia Waziri Ndumbaro ameiomba China kusaidia Tanzania katika ujenzi wa viwanja vipya wa michezo ambavyo vitatumika kwa ajili ya mashindo ya Kombe la Afrika (AFCON), yanatarajiwa kufanyika katika nchi tatu, Tanzania, Kenya na Uganda 2027.
Amesema mashindano hayo ambayo yatafanyika kwa mara ya kwanza katika Ukanda wa Afrika Mashariki yanatarajiwa kukuza sekta hiyo, hivyo wanaomba China kushiriki katika ujenzi wa miundombinu muhimu.
"Tanzania Kenya na Uganda tumepewa nafasi ya kuandaa AFCON, naomba China mtusaidie katika ujenzi wa miundombinu ya viwanja katika miji ya Dodoma na Arusha," amesema.
"Napenda kusisitiza kwamba tamasha hili la kitamaduni lenye rangi ni fursa nzuri ya kurejesha roho ya umoja na ushirikiano kati ya nchi zetu mbili," alisema.
Amesema China na Tanzania zimeshiriki furaha ya mafanikio katika nyanja zote ikiwemo utamaduni, sanaa, na michezo ambapo nchi hizo ziliingia makubaliano ya kitamaduni Aprili 30, 1992 na kuendelea kutekeleza programu mbili mwaka (2017-2020) na (2022-2025).
Waziri Ndumbaro amesema ushirikiano umeendelea kuimarika kutokana na fursa mbalimbali za mafunzo, kubadilishana uzoefu na maarifa kuhusu masuala ya utamaduni na sanaa ambayo Serikali ya China imewapatia Watanzania.
"Ni ukweli kwamba serikali zetu mbili zimeendelea kushirikiana katika matukio mbalimbali ya kitamaduni kama semina kuhusu uendeshaji wa majumba ya sanaa kwa nchi za Kiafrika kuanzia Aprili 24 hadi 4 Mei 2019 iliyotolewa kwa maofisa wa Wizara walioshiriki semina hiyo iliyoongozwa na Taasisi ya Kati ya Utamaduni na Utalii (CACTA) huko Beijing, China.
Pia, mwaka 2020 China iliandaa Semina za Mtandaoni kwa wataalamu wa Utamaduni na wasimamizi kuhusu maendeleo ya pamoja ya utamaduni wa taifa na tasnia ya utalii,"amesema.
Dk Ndumbaro amesema Rais Samia Suluhu Hassan na
Rais Xi Jinping wa China wamedhamiria kudumisha ushirikiano endelevu, hivyo wizara hiyo itahakikisha dhamira hiyo inakuwa na matokeo chanya.
Kwa upande wake Balozi wa China nchini Tanzania, Chen Mingjian, amesema Tamasha la Mid-Autumn ni sikukuu muhimu ya kitamaduni kwa watu wa China na familia zao.
"Siku ya muungano. “Ninawakumbuka zaidi wapendwa wangu wakati wa msimu wa sherehe.” Tunahisi hivyo kwa undani zaidi tunapokuwa katika nchi ya kigeni. Katika miaka michache iliyopita, tumepitia mtihani wa janga hili kwa pamoja.
Tukio la leo ni tamasha la kwanza kubwa kufanywa na Wachina wetu wa nje ya China tangu janga hili.Naamini kila mtu amekuwa akitazamia tukio la kupendeza lililopotea kwa muda mrefu. Hapa, napenda kutoa shukrani zangu za pekee kwa Chama Kikuu cha Wafanyabiashara wa China, Chama cha Wakandarasi wa Kichina na vikundi vingine vya wachina vya ng'ambo, vyama vya wafanyabiashara na wafanyabiashara kwa juhudi zao katika kukuza utendaji huu,"amesema
Balozi Chen amesema amesema anaamini kuwa hafla hiyo haiwezi tu kuunda mazingira ya sherehe ya umoja, ya kirafiki, ya joto na ya kupendeza kwa kila mtu, lakini pia kuelezea hamu yao kwa nchi ya mama, mji na jamaa.
Amesema mwaka huu ni umuhimu na wakipekee katika uhusiano kati ya China na Afrika, ila kubwa zaidi ni China na Tanzania. Mwaka huu ni kumbukumbu ya miaka 10 ya pendekezo la Rais Xi Jinping la mpango wa "Ukanda Mmoja, Njia Moja." Mwaka huu pia ni kumbukumbu ya miaka 10 ya ziara ya Rais Xi Jinping na kuanzishwa kwa dhana ya ukweli, matokeo halisi, kweli na imani nzuri.
"Katika miaka 10 iliyopita, chini ya mwongozo wa diplomasia kati ya wakuu wa nchi hizo mbili, mpango wa "Ukanda mmoja na Njia moja" na dhana ya uaminifu, matokeo ya kweli, mshikamano na imani nzuri katika kushughulikia Afrika, urafiki kati ya China na Tanzania umekuwa. uhusiano kati ya nchi hizo mbili umeendelea kuimarika, na ushirikiano wa kiutendaji umekuwa na matokeo yenye tija.Idadi kubwa ya Wachina wa ng'ambo nchini Tanzania wote ni mashahidi na walengwa pia ni washiriki na waendelezaji,"amesema.
Amesema katika siku zijazo, anatumaini kuwa marafiki wote wa China walio nje wanaweza kujumuika kikamilifu katika mwelekeo wa maendeleo ya uhusiano wa pande mbili na ushirikiano wa kivitendo huku wakiendelea kupata maendeleo yao wenyewe, na kuendelea kuunda sura mpya ya urafiki kati yao.
No comments:
Post a Comment