MATINYI: IDADI YA WATALII WAONGEZEKA SERENGETI

Na Mwandishi Wetu 

 

MKURUGENZI wa Idara ya Habari MAELEZO,ambaye pia ni Msemaji Mkuu wa Serikali Mobhare Matinyi amesema kuwa hifadhi ya Taifa ya Serengeti ambayo ni hifadhi  ya tatu  kwa ukubwa nchini  yenye Kilomita za mraba 14,763.

 

"Hifadhi  kubwa zaidi  nchini  ni Nyerere  yenye ukubwa wa Kilomita  za mraba 30,893  ikifuatiwa na  hifadhi ya Ruaha  yenye Kilomita za mraba 19,822 lakini Serengeti  ndiyo hifadhi ya kwanza  nchini  kwa kuingiza  watalii wengi zaidi.

Akizungumza  kwenye mkutano na Waandishi wa Habari uliofanyika Jijini  Dodoma  leo Machi 10, Matinyi  amesema kuwa  hifadhi  ya Taifa ya Serengeti  imeshinda  tuzo za hifadhi bora  Afrika  kwa miaka  mitatu  mfululizo, Serengeti  ni maarufu zaidi kwa tukio la uhamaji wa wanyama  aina ya Nyumbu (Immigration),ambapo kila mwaka  nyumbu  wapatao Mil.1.5 hutumia miezi kumi wakizunguka  ndani ya hifadhi ya Serengeti  na kisha kwenda  nchi jirani  na kurudi,katika uhamaji huo tukio la kusisomua  zaidi ambalo ndilo huvutia  watalii wengi ni like la kuvuka  Mto Mara pamoja na matawi yake.

"Kufuatia  mafanikio  ya filamu ya Royal Tour ambayo  Mhe. Rais Dkt. Samia Suluhu Hassan alikua  ameshiriki mkuu jambo linalowavutia watalii,idadi ya watalii wanaokuja Serengeti  imeongezeka  kupita  malengo makubwa  yaliyowekwa  kwa mwaka huu wa fedha.

Matinyi amesema  kuwa kwa mujibu wa takwimu  za Baraza la Utalii Duniani (World  Travel  and Tourism Council -WTTC),kwenye ripoti ya  Tanzania  ya Februari 2023 inaonesha asilimia 90.7 ya wageni wanaoingia nchini hutembelea vivutio vya hifadhi za Taifa  ya Ngorongoro  na fukwe za Zanzibar.

"Rekodi zinaonesha kuwa  kati ya Julai 2023  hadi Februari 2024  watalii  kutoka nje  ya Afrika  Mashariki  ni 10,531,watalii wa Afrika  Mashariki  ikiwamo Watanzania  ni 230,785 wafanyakazi wa hotel  kambi na madereva  ni 46,702.

"Hifadhi za Taifa 21 zilizo chini ya TANAPA zina barabara  zenye urefu  wa jumla  ya Kilomita 16,470.6 ambapo Serengeti  peke yake ina jumla  ya Kilomita 3,176"amesema Matinyi.

Amesema kuwa hifadhi ya Serengeti  ndiyo yenye  mtandao mrefu  zaidi  wa  barabara  ambazo ni za udongo ama changarawe,barabara  hizi zimegawanyika katika  barabara  kuu zilizo chini ya Wakala wa barabara Tanzania (TABROAD) na wakala  wa barabara  za Vijijini TARURA na kundi la pili la barabara  ndogondogo zilizo  chini ya TANAPA yenyewe.

Aidha Matinyi  amesema kuwq  katika mtandao Kilomita 3,176 za barabara  za Hifadhi  ya Taifa Serengeti KM.2,407 niza udongo na KM7.69 ni za changarawe ,kutokana na hoja kadha wa kadha za kiuhifadhi hakuna barabara za lami wala zege.

"Ilipotokea changamoto  ya mvua  za El Nino  kulitokea  mafuriko makubwa hifadhini kiasi cha kufunika barabara  kuu zinazotumika kuleta watalii ,uharibifu  ulikua mkubwa hivyo basi TANAPA ilichukua  hatua za  haraka  za awali  za kuzifanyia  mayengenezo barabara  hizo ili kuhakikisha  kwamba  wageni wanaendelea  kutalii na usafirishaji  haukwami".

"Hatua za kati TANAPA inataka kunyanyua barabara  nzima ya Golini,Naabi hadi Seronera KM.68 kwa wastani  wa sentimenta 50 (nusumita) kutokana na ukaguzi uliofanyika ili kuifanya iwe juu kidogo ya usawa wa ardhi hivyo kuruhusu maji kutoka  barabarani yapite  kwenye  mifumo ya mifereji na mitaro ya maji iliyopo pembezoni mwa barabara  na kazi hii inaendelea.