XABI ALONSO: JOSE MOURINHO BADO NI 'SPECIAL ONE'

MADRID, Hispania

"Njia ambayo yeye anawasiliana na wachezaji, ni tofauti. Kwamba hiyo ndiyo sababu ya kwa nini unataka kuendelea kuwa nyuma yake, kwa nini unataka kucheza na kupigana kwa ajili yake ndani ya uwanja. Wachezaji, tunafanya na kuamini katika yeye"

KIUNGO wa kimataifa wa Hispania, Xabi Alonso (pichani kulia) amesisitiza kuwa, Mreno anayeinoa Real Madrid, Jose Mourinho badi ni "Mtu maalum".

Mourinho kocha wa zamani wa Chelsea, yu kikaangoni klabuni Santiago Bernabeu msimu huu, kutokana na kuvurunda kwa mabingwa hao watetezi na kubaki nyuma kwa pointi 16 nyuma ya vinara na mahasimu wao FC Barcelona.

Kumekuwa na tetesi za kuvunjiika kwa amani klabuni hapo, wakati huu wakijiandaa kuumana na Manchester United katikati ya wiki ijayo, katika mechi ya mtoano wa 16 bora wa Ligi ya Mabingwa Ulaya.

Lakini Alonso nyota wa zamani wa klabu ya Liverpool, ameliambia jarida la Football Focus kwamba wachezaji wa Madrid bado ‘wanaamini’ katika Mourinho na wanataka kujitoa ‘kupigana kwa ajili yake ndani ya uwanja’.

Alipoulizwa kama anadhani Mourinho, 50, bado amemudu kukienzi kipaji chake, Alonso alisema: "Ndiyo, kabisaa. Unaweza kuona kwamba Mourinho ana kitu tofauti.

"Njia ambayo yeye anawasiliana na wachezaji, ni tofauti. Kwamba hiyo ndiyo sababu ya kwa nini unataka kuendelea kuwa nyuma yake, kwa nini unataka kucheza na kupigana kwa ajili yake ndani ya uwanja. Wachezaji, tunafanya na kuamini katika yeye."

……BBC/The Sun…..