ABDUKIBA KUTOKA NA VIDEO YA 'KIDELA'

Na Elizabeth John

BAADA ya kutamba na kibao chake cha ‘Kidela’, mkali wa muziki wa kizazi kipya nchini, Abdukarim Kiba ‘Abdukiba’ amesema anajipanga kuandaa video ya kazi hiyo.

Mbali na ‘Kidela’ Abdukiba alishawahi kutamba na vibao vyake kama, Kizunguzungu, Demu sio na nyinginezo ambazo zilimtambulisha na kufanya vizuri katika tasnia ya muziki huo.

Akizungumza ijini Dar es Salaam, Abdukiba alisema kwasasa anatarajia kuanza kutengeneza video ya wimbo huo ambao amemshirikisha kaka yake ambaye pia ni nyota wa muziki huo, Alikiba.

“Namshukuru mungu kazi hii imepokelewa vizuri na mashabiki wangu nab ado inaendelea kufanya vizuri, naomba tu wapenzi wangu wasichoke kunipa sapoti bado kuna vitu vizuri ambavyo nimewaandalia,” alisema.

Abdukiba alisema, video hiyo atafanya na mtayarishaji maarufu nchini Adamu Juma, ambapo yeye ndio ataandaa mazingira ambayo watafanyia kazi hiyo.