Kapunga FC Mabingwa kombe la Chifu Merere

NA KENNETH NGELESI, MBARALI

MICHUANO ya soka ya Merere cup 2014 ilifikia tamati jana huku timu ya soka ya Kapunga FC kutoka kata Itambo ikiibuka bingwa na kuondoka na kombe baada ya kuichapa timu ya Soka Motor Cycle kutoka kata ya Chimala kwa jumla ya mabao 2-1 katika pambano la fainali lililo pigwa juzi katika uwanja wa Chimala.

Mchezo huo ambao ulikuwa mkali huku wachezaji wa timu zote mbili wakionyesha utundu wa kusakata soka, Kapunga ndiyo walio kuwa wa kwanza kuliona lango la wapinzani wao kupitia kwa mchezaji Shavi Maketa kwani dk 6 ya mchezo aliindikia timu yake bao la kwanza.

Baada ya ya Kapunga kupata bao hilo liliamsha hasira kwa wachezaji wa timu ya Waendesha bodaboda (Moter Cycle)na kuanza kulisakama lango la wapinzani dakika 10 walipata bao la kufutia machozi kupitia kwwa mchezaji Philipo Philipo kwa njia ya mkwaju wa penanti ambayo ilipatikana baada ya beki wa timu ya Kapunga kumungusha katika eneo la hatari na hadi mapumziko mabao yalikuwa 1-1.

Kipindi cha pili kilianza kwa kasi huku kila timu ikisaka goli la kuongoza hata hivyo Kapunga FC ndiyo walikuwa makini kuzitumia nafasi kwani dk 75 ya mchezo waliandika bao la pili na la ushindi ambalo liliewekwa kimyani na mchezaji Bahati Msofya na hadi dk 90 zinamalizika na mwamuzi Devid Malema alipuliza filimbi ya mwisho Kapunga Fc 2 na Motor Cylce 1.

Katika fainali hizo timu ya Kapunga aliwatoa Rajabu Alex,Meja Manyanya, Geofrey Philimon,na Frorence Chitoto huku nafasi zao zikichukuliwa nma Mbaraka Muba,Maiko Michael,Exaurd Edward na Simon Mwampamba.

Wakati huo huo timu ya Motor Cycle waliwatoa Minjiro Alimwene,Rajabu Ngaile na Damas Elius huku nafasi zao zikichukuliwa na Joseph Ngondwa Baraka Cheusi,na Mbaraka Muba.  

Mara baada ya kumalizika kwa mchezo huo ambao ulifanyika katikia Uwanja wa Chimala Mgeni mgeni rasmi katika fasdinali hizo zilizo andaliwa na shirika nla hifadhi za taifa (TANAPA) Kocha wa timu ya Mbeya City Juma Mwambusi aliwa kabidhi washindi zawadi.

Zawadi hizo katika fainali hiyo bingwa alifanikiwa kuondoka na Kombe,Fedha,shilingi lakini tano,seti mopja ya jezi,ma mpira mmoja Ungo wa televisheni ulio tolewa na kampunio ya Azamu TV.

Mbali na zawadi hizo kwa mshindi wa kwanza lakini pia waandaaji wa mashindano hao walitoa zawadi kwa mshindi wa pili ambao ni Motor Cycle seti moja ya jezi,shilindi laki 300,000/ na mpira mmoja wakati msindi wa tatu alizawadiwa shilingi laki mbili.

Akizunngumza mara baada ya kukabidhi zawadi Kocha Mwambusi aliwapongeza waa  ndaji wa michuano hiyo yenye lengo kumkumbuka chief Merere pamoja kupiga vipa Ujangiri kwani imesadia kuibua vipaji.

Mbali na hilo lakini pia aliwataka wachezaji kuendelea kujituma katika michuano mbalimbali inayo andaliwa na wadau wa mchezo huo kwani ndiyo njia pekee ya kuabaini vipaji vyao ambapo wakifanya vizuri itakuwa fursa kwao kupata timu za ligi kuu.

Kwa upande wake mratibu wa michuano hiyo William Ndondole alisema kuwa lengo la kufanyika kwa m ichuano hiyo ni kuwafanya vijana wasijiingize katika masuala mouvu na kwamba michuano hiyo ilidhamiwa na Benki ya Posta,Azam TV,Tanapa,kupitia hifadhi ya Taifa ya Ruhaha.