POLISI YAZUIA MAANDAMANO YA VIJANA KUTOKA MWANZA WALIOTEMBEA KWA SIKU 37 KUFIKISHA UJUMBE KWA RAIS KIKWETE IKULU JIJINI DAR ES SALAAM

 Vijana waliotembea kwa miguu kwa siku 37 kutoka Mwanza hadi Dar es Salaam kwa lengo la kufikisha ujumbe kwa Rais Jakaya Kikwete kuhusu vitendo vya rushwa pamoja na matumizi mabaya ya rasilimari za taifa. Vijana hao wamejitambulisha kwa majina ya Juma Maganga, Halid Suleiman na Atanas  Michael, wakazi  wa Nyamagana Wilaya  Geita mkoani Mwanza.

 Vijana hao wakionyesha mshikamano.

Waandishi wa habari wakifuatilia tukio la kukamatwa kwa vijana hao.

 Polisi wakiwa wamewadhibiti vijana hao.

 Polisi wakiwazuia waandishi wa habari kusogelea eneo la Kituo cha Polisi Magomeni baada ya kuwatia nguvuni vijana walioandamana kutoka kwa Mwanza kwa miguu hadi Dar es Salaam.

Na Mwandishi Wetu

JESHI la Polisi mkoa wa kipolisi Kinondoni jijini Dar es Salaam, linawashikiria vijana watatu waliofanya maandamano bila kibali kwa lengo la kupeleka ujumbe kwa Rais Jakaya Kikwete, Ikulu jijini Dar es Salaam.

Vijana hao wamefahamika kwa majina ya Juma Maganga, Halid Suleiman na Atanas  Maico, wakazi  wa Nyamagana Wilaya  Geita mkoani Mwanza.

Akizungumza na waandishi wa habari jijini Dar es Salaam leo kabla ya vijana hao kuwekwa choini ya ulinzi wa Polisi Mkuu wa Wilaya ya  Kinondoni, Jordan Rugimbana alisema vijana hao walianza kufanya maandamano Novemba 24  mwaka jana ambapo walianzia Geita na kufika  Dar es Salaam leo majira ya asuhuhi.

Vijana haoi huku wakiwa wamevalia nguo zilizoshonwa kwa magunia na kutumia kitambaa cha bendela ya taifa.

Rugimbana alisema lengo la vijana kufanya maandamano ni kumfikisha ujumbe Ikulu kwa Rais  Jakaya Kikwete wa kulaani utumiaji mbaya wa rasilimali za nchi bila kuwanufaisha wananchi wenyewe.

Lengo lingine ni kulaani vitendo vya rushwa na ufisadi unaoendelea bila wahusika kuchukuliwa hatua, kulaani uvunjifu wa haki za binadamu unaoendelea.

Aidha ujumbe wao mwingine ni kuitaka Serikali ya Tanganyika irudishwe sambamba na kusambaza uzalendo wa watanzania waweze kupendana na kuwa wazalendo kwa nchi yao.

“Kama kweli wametembea kwa siku hizo 37 wamevunja sheria kwa sababu hawakuwa na kibali, matembezi hayo yalikuwa na nia ya kitu fulani  hivyo walipaswa kuomba kibali” alisema Rugimbana

Rugimbana alizuia vijana hao wasifike Ikulu mpaka wafuate sheria na taratibu.

Baada ya vijana hao kutoka katika Ofisi ya Mkuu wa Wilaya Kinondoni yaliongoza moja kwa moja na kusema lazima ujumbe wao ufike kwa Rais Kikwete.

Hali hiyo iliwafanya Polisi kutumia nguvu na kuwapeleka katika kituo cha Polisi Magomeni huku polisi hao wakiwazuia waandishi wa habari kutekeleza majukumu yao na maandamano ya vijana hao yaliishia hapo.