CUF KUTOA TAMKO LEO

Na Talib Ussi, Zanzibar

Baada ya siku ,mbili  za mjadala mkali ndani ya Baraza Kuu la Taifa la Uongozi la Chama cha Wananchi (CUF), leo linatarajiwa kutoa tamko zito kuhusiana na mwelekeo wa siasa na usalama  baada ya uchaguzi mkuu wa marejeo wa machi 20 mwaka huu.

Habari kutoka ndani ya kikao hicho kilichofanyika chini ya Mwenyekiti Twaha Taslima kinaeleza kuwa mjadala ulikuwa mkali huku wajumbe wakiwa na maoni tofauti juu ya mustakabili wa chama hicho pamoja na Zanzibar kwa ujumla.

 “Kikao kikao kimekwenda vizuri mda kuu ni hali ya siasa na usalama wan chi na leo tutatoa Baraza Kuu litatoa tamko juu ya hali inavyo endelea” alisema Omari Ali Shehe ambaye ni mkurugenzi wa Uchaguzi na Mipango.

Kikao hicho kiliaza juzi mjini hapa na kushirikisha wajumbe wote wa bara na visiwani ili kuzungumzia hali ya siasa na chama hicho pamoja uchaguzi wa kulazimishwa uliofanyika wiki mbili zilizopita.

“Mtalezwa leo taarifa yoote kwa hiyo kwa sasa niachie nisije kuvunja utaratibu” alisema Shehe

Baada ya uchaguzi huo ambao ulimpa ushindi Dk. Ali Muhammed Shein vitendo kadhaa vimekuwa vikiripotiwa ikiwemo baadhi ya watu kupigwa ovyo pamoja na uchomaji moto nyumba na watu kuaza kufarakana unguja na Pemba.

Jeshi la Polisi linanyoosha vidole baadhi ya wanasiasa kwa kuchochea vitendo ambavyo vinatishia hali ya usalama wa nchi lakini wakati huo huo wananachi katika kisiwa cha Tumbatu ambapo nyumba zao zilichomwa moto wiki iliyopita wanailaumu polisi kwa kukupendelea Chama cha mapinduzi (CCM) katika kushuhulikia matokio ya uhalifu.

Tangu matokio hayo kuaza kuripotiwa viongozi na wanachama wa  CUF Pekee ndio ambao wanakamatwa na Polisi na kuwekwa Korokoroni na hakuna kiongozi wa CCM aliyekamatwa hata pale ambapo nyumba za wafuasiwa CUF zimechomwa moto.

Fatma Khamis mwenye watoto wa Nne mkazi wa kijiji cha chwaka  Tumbatu wilaya ya kaskazini A Unguja alisema alishtuka usingizini na kualazimika kukimbia baada ya watu wasiojuilikana na kuvunja  nyumba.

“Tulikimbia kwa kuokoa maisha yetu kwani hatukujua wale walikuwa akina nani na lengo gani” alisema fatma.

Fatma alisema watu wengi wamekimbia eneo lao kutoka nyumba zao kutiwa alama ya X bila kujua ina lengo gani.