MAMIA WAJITOKEZA KUCHUKUA NAMBA ZA KILI MARATHON - MOSHI

Baadhi ya wakazi wa Moshi na maeneo jirani wakiwa wamejikokeza katika hoteli ya Keys kuchukua namba zao za ushiriki wa mbio za Kilimanjaro Premium Lager Marathon 2019.

KILIMANJARO, TANZANIA 

Mamia ya wakazi wa Moshi na maeneo ya jirani wamejitokeza katika Hoteli ya Keys kuchukua namba za ushiriki wa mbio za Kilimanjaro Premium Lager Marathon 2019 zinazotarajiwa kufanyika Jumapili hii  katika Chuo Kikkuu Cha Ushirika Moshi (MoCU).

  

Kwa mujibu wa waandaaji  wa mbio hizo maarufu, muitikio ni mkubwa sana kama ilivyokuwa Dar es Salaam na Arusha huku zikiwa zimebaki takriban siku tatu kabla ya tukio hilo ya aina yake huzu zoezi hilo la ugawaji likitarajiwa kumalizaika leo.

“Tutatoa nafasi pia Machi 1 (saa nne hadi saa kumi na moja na Machi 2 (saa tatu asubuhi hadi saa sita mchana) kwa ambao hawatakua wamechukua namba zao za ushiriki kufanya hivyo pale Keys hotel na tunasisitiza kuwa hatkutakuwa na usajili siku ya mashindano,” walsema waandaaji hao.

Kwa mujibu wa taarifa hiyo, maandalizi yote yamekamilika sasa na mbio hizo zinatarajiwa kushirikisha wakiambiaji zaidi ya 10,000 kutoka nchi 50 tofauti.

Tayari kuna pilka pilka mbali mbali katika Mji wa Moshi huku hoteli nyingi na sehemu za kulala wageni zikiwa zimejaa hadi wiki ijayo.

Mkuu wa Wilaya ya Moshi, Kippi Warioba walisifia mbio za Kilimanjaro Marathon  na kusema ndio tukio kubwa zaidi Mjini hapo na kama wilaya wamejianfdaa vizuri kuhakikisha kuna ulinzi wa kutosha kwa sababu kutakuwa na wageni wengi wiki hii.

“Hili ni tukio kubwa na linahitaji mpangilio mzuri ili kuhakikisha washiriki na mali zao wako salama,” alisema Mkuu huyo wa Wilaya punde baada ya kupokea namba yake ya ushiriki wa mbio za kilomita 5.

Mgeni rasmi katika mbio za mwaka huu ni  Waziri wa Habari, Utamaduni, Sanaa na Michezo, Dk. Harrison Mwakyembe.

Wadhamini wa mwaka huu ni Kilimanjaro Premium Lager, wakiwa wadhamini wa mbio za kilomita 42, Tigo mbio za kilomita 21 na Grand Malt Kilomita 5 Fun na wadhamini wa meza za maji KK Security, Keys Hotel, Kilimanjaro Water, TPC Sugar, Simba Cement, AAR, Kibo Palace, Barclays Bank, Precision Air na CMC Automobiles.