TPB YATOA MSAADA WA VIFAA KATIKA HOSPITALI YA NZEGA

NA TIGANYA VINCENT

BENKI ya Posta (TPB) imetoa msaada wa vyandarua 100 na magodoro 25 vyote vikiwa na thamani ya millioni kwa ajili ya Hospitali ya Wilaya ya Nzega.

Msaada huo umekabidhiwa juzi na Mwenyekiti wa Bodi ya Wakurugenzi wa Benki ya Posta Tanzania (TPB) Dkt. Edmund Mndolwa kwa uongozi wa Halmashauri ya Wilaya ya Nzega.

Alisema msaada huo ni sehemu ya kuunga mkono juhudi za kuboresha afya ya mama na mtoto ndio maana wameamua kutoa kwa ajili ya wodi ya wanawake na watoto.

Kwa upande wa Mkuu wa Wilaya ya Nzega Godfrey Ngupula alisema kuwa Benki hiyo imeamua kurudisha sehemu ya mapato yake katika kuchangia sekta ya afya.

Alitoa wito kwa Taasisi nyingine za kifedha wilayani humo kusaidia jamii katika ujenzi wa madarasa , ununuzi wa vifaa tiba na uboresha wa miundo ambayo itasaidia kuwavutia wananchi kujiunga na huduma zao.

Awali akizindua tawi jipya la TPB wilayani Nzega, Mkuu wa Mkoa wa Tabora  Aggrey Mwanri amewataka wakazi wa eneo hilo kujenga utamaduni wa kuhifadhi fedha zao katika Benki ili kuepuka kuvamiwa na kujeruhimiwa na wakati mwingine kuwawa.

Alisema vitendo vya kukaa na fedha majumbani vinawaweka katika hatari ya kushambuliwa na majambazi na wakati mwingine watu wazima kudhalilishwa mbele ya watoto wao.