dLab yaandaa mafunzo ya data kwa wanawake kuadhimisha Siku ya Wanawake ya Kimataifa 2019

Ofisa Mpango Mwandamizi wa InterNews, Leah Mushi, akipokea cheti cha ushiriki wa mafunzo ya data kutoka kwa Dk. Lulu Simon wa Kituo cha Jinsia Chuo Kikuu cha Dar es Salaam, baada ya kumalizika kwa mafunzo hayo yaliyojulikana kama Data4Her yaliyoandaliwa na Tanzania Data Lab (dLab). Wa pili kushoto ni Mkurugenzi wa Dlab, Omar Bakari na kulia ni Mhadhiri Chuo Kikuu cha Dar es Salaam, Shule ya Teknolojia ya Habari na Mawasiliano, Christine Mwase. (Na Mpiga Picha Wetu).

Washiriki.

Baadhi ya washiriki wa mafunzo.

Baadhi ya washiriki wa mafunzo hayo.

Mkurugenzi wa dLab, Omar Bakari, akiuliza swali wakati wa mafunzo hayo. 

 Ofisa Mpango Mwandamizi wa InterNews, Leah Mushi, akizungumzia namna alivyonufaika na mafunzo ya data.

Mkurugenzi wa Mafunzo wa dLab, Mahadia Tunga, akizungumza na waandishi wa habari wakati wa kufunga mafunzo ya  ya data yajulikanayo kama Data4Her kwa wanawake wanaotumia data katika kazi zao za kila siku.

 Aunisiata Mwamango akizungumzia tafiti waliyofanya kuhusu data.

 Sarah Pima kutoka Human Dignity & Environment Agency.

Na Mwandishi Wetu

TANZANIA Data Lab (dLab) imeendesha mafunzo ya data yajulikanayo kama Data4Her kwa wanawake wanaotumia data katika kazi zao za kila siku, ili kuchangia kwenye ajenda ya kimataifa ya kufikia 50 / 50 kushiriki katika nyanja zote za maisha.

Mafunzo hayo  ya siku tano yalilenga kuongeza asilimia ya wanawake, yanafanyika katika kuadhimisha Siku ya Wanawake Duniani ambayo huadhimishwa Machi 8  ya kila mwaka.

Akizungumza na waandishi wa habari jijini Dar es Salaam jana, Mkurugenzi wa Mafunzo wa dLab, Mahadia Tunga, alisema katika kuadhimisha siku hiyo wanataka  kufanya jambo maalum.

"Mipango hii itasaidia wanawake na wasichana wadogo tangu wanalenga kuimarisha uwezo wao na maendeleo ya kijamii na kuwashirikisha katika ujasiriamali, sayansi na teknolojia.

“Lengo la pili ni kuelewa vizuri na kuchunguza njia za kupunguza na hatimaye kupunguza chini ya ushiriki wa wanawake katika kazi zilizotajwa awali, " alisema.

Programu ya Data4Her inawalenga wanawake vijana walioajiriwa nafasi za kazi za awali.

 Mpango huo  una lengo la kuwawezesha wanawake kufanya maamuzi mazuri, kuimarisha ukuaji wa kazi, kuunda mabingwa wa data wanawake, na kuanzisha database ya wanawake katika sekta ya teknolojia. 

"Tunaamini kwamba bila data hakuna kujulikana na bila kujulikana hakuna kipaumbele kama Data inaweza kuvua kivuli katika masuala yaliyofichika ambayo yanaweza kusababisha mabadiliko katika sheria, sera, bajeti na maamuzi - hususani katika masuala ya elimu na afya,"  alisema Mahadia.