NMB yaendelea kuwa karibu zaidi na wakazi wa Lindi kwa huduma bora

  Waziri wa Habari, Utamaduni, Sanaa na Michezo, Dk. Harrison Mwakyembe, akisikiliza maelezo ya  Meneja NMB Kanda ya Kusini,  Janeth Shango,  alipotembelea banda la benki hiyo kabla ya ufunguzi wa Jukwaa la tisa la fursa za Biashara na Uwekezaji mkoani Lindi.

Jukwaa hilo lililoandaliwa na Kampuni ya Magazeti ya Serikali (TSN) kwa kushirikiana na Ofisi ya Mkuu wa Mkoa wa Lindi, liliwakutanisha washiriki takribani 350 wakiwemo wawekezaji, wakulima, wajasiriamali, wafanyabiashara, taasisi mbalimbali na viongozi mbalimbali  wa serikali.

Benki hiyo imefanya vizuri katika sekta ya kilimo na kwa kutoa mikopo kulingana na mnyororo mzima wa zao husika kupitia matawi yake 7, pamoja na kutoa huduma zingine za kifedha kupitia mawakala zaidi ya 105 na mashine za kutolea fedha za ATM mkoani humo.

Kwa upande wake, Meneja Mwandamizi wa Biashara ya Kilimo wa benki hiyo Carol Nyangaro alisema katika benki hiyo ambayo serikali ina hisa ya asilimia 30 kupitia bodi ya mikopo iliidhinisha kiasi cha shilingi bilioni 500 kwa ajili ya mikopo ya wakulima na tayari shilingi bilioni 450 zimetumika.

Meneja Mwandamizi wa Kilimo Biashara wa Benki ya NMB, Carol Nyangaro akitoa mada baada ya ufunguzi wa Jukwaa la tisa la fursa za Biashara na Uwekezaji mkoani Lindi. 

NMB ni benki inayotambua kuwa kilimo ndio uti wa mgongo nchini kwani asilimia 75 ya watanzania wanajishughulisha na kilimo na hivyo itaendelea kuwekeza zaidi katika kilimo.