DCEA yateketeza Dawa za Kulevya za Kilo 1543 Dar

Na Hussein Ndubikile, Dar es Salaam

Mamlaka ya Kudhibiti na Kupambana na Dawa za Kulevya Nchini (DCEA) imeteketeza Dawa za Kulevya zenye jumla ya Kilo 1543.

Akizungumza na wakati wa uteketezaji (uchomaji)  leo jijini Dar es Salaam, Kamishna wa Kitengo cha huduma za Sheria wa  mamalaka hiyo, Veronica Matikila kwa niaba ya Kamishna Jenerali wa DCEA Gerald Kusaya k  amesema zoezi hilo la uteketezaji dawa hizo ni la kawaida na hufanyika mara baada ya mashauri ya dawa za kulevya kuwa yamekamilika mahakamani.

Amebainisha kuwa katika zoezi ambalo limefanyika mapema leo jumla ya kilo 569.25 ni heroine, wakati kilo 15.3 aina ya Cocaine pamoja na tani mbili za bangi na mirungi.

"Dawa za Kulevya zilizotekezwa leo zimetoka katika mahakama mbalimbali ikiwemo mahakama kuu kanda ya Dar es salaam,mahakama kuu Division ya uhujumu uchumi,mahakama ya hakimu Mkazi Kisutu, Mahakama ya hakimu mkazi mkoa wa pwani pamoja na mahakama za wilaya" amesema Matikila.

Amesisitiza kuwa zoezi la uteketezaji dawa za kulevya ni la kawaida, hufanyika mara baada ya mashauri ya dawa hizo kukamilika kutoka mahakama mbalimbali hivyo kwa mujibu wa sheria kulazimika kufanyika kwa zoezi hilo.

Ameyataja mashauri yaliyofanikisha uchomaji wa dawa hizo yalikuwa yakisikilizwa katika Mahakama mbalimbali ikiwemo ya Hakimu Mkazi Kisutu, Dar es Salaam, Mahakama ya Wilaya ya Temeke, Kigamboni pamoja na Mahakama ya Divisheni ya Rushwa.

Ameongeza kuwa uchomaji moto dawa hizo unashirikisha taasisi tofauti mojawapo ikiwa ya Mkemia Mkuu wa Serikali, Baraza la Taifa la Madini na kwamba uchomaji huo unafanyika kwa mara ya tatu.

Ametoa rai kwa mamlaka husika na jamii kuendelea kutoa elimu ya madhara dawa za kulevya ili kujenga taifa imara lenye kufuata misingi ya utu na maadili.