FEI TOTO NI MALI YA YANGA FULL STOP!

Na Mwandishi Wetu

Kamati ya Sheria na Hadhi za wachezaji ya Shirikisho la Mpira wa Mguu Tanzania (TFF) Imeamua kuwa Feisali Salum bado ni mchezaji wa Yanga kwa mujibu wa mkataba.

Kwa mujibu wa taarifa ya TFF iliyotolewa mchana wa leo imeeleza kuwa uamuzi kamili kwa pande zote mbili utatolewa jumatatu.

"Uamuzi kamili kwa pande zote mbili zilizokuwa zinahusika katika shauri hilo utatolewa jumatatu, Januari 9, 2023.

"Klabu ya Yanga iliwasilisha malalamiko mbele ya Kamati hiyo ikipinga hatua ya mchezaji wao Feisali Salum kuvunja mkataba kati yao bila kuwashirikisha.

"Kamati ya Sheria na Hadhi za wachezaji ilisikiliza malalamiko hayo Jana ambapo pande zote (Yanga na Feisali) ziliwakilshwa na wanasheria wao." Imeeleza taarifa hiyo.