NAMUNGO FC MAMBO 'BAMBAM' MAPINDUZI CUP

Na Mwandishi Wetu, Zanzibar


Hatimaye rekodi imeandikwa ni mara baada ya Azam FC na Mlandege sasa ni Namungo FC zimeungana hatua ya Nusu Fainali ya Kombe la Mapinduzi makala ya 17. 

Namungo ambayo ilikuwa kundi D na Chipukizi iliyomaliza na pointi mbili na Aigle Noir iliyofunga mkia kwa kupata pointi moja baada ya kuambulia sare dhidi ya Chipukizi.

Namungo kwa ushindi wa leo imekusanya alama nne na kuwa vinara wa kundi lao, ilishinda mechi moja dhidi ya Aigle Noir bao likikwamishwa nyavuni na Hassan Kabunda dakika ya 62.

Kwenye mchezo huo ambao umemalizika kwa Aigle Noir wakicheza pungufu baada ya mchezaji wao mmoja kupewa kadi nyekundu haukuwa na ushindani mkubwa kutokana na timu zote kucheza kwa kujilinda na kutumia mipira mirefu.

Wakati Namungo FC wakitinga Nusu Fainali nyota wao Shiza Kichuya ameibuka mchezaji bora wa mchezo huku mchezaji wa Aigle Noir Issah Ndikumana akiibuka mchezaji bora wa nidhamu.

Saa 2:15 usiku huu  Yanga atashuka dimbani kumenyana na Singida Big Stars tayari kusaka nafasi ya kutinga hatua ya nusu fainali, huku mshindi kumenyana na Azam FC hatua ya Nusu Fainali.