SIMBA QUEENS WAIPASUA FOUNTAIN GATE PRINCESS

Na John Richard Marwa

Mabingwa watetezi wa Ligi Kuu Soka la Wanawake Tanzania Bara SWPL Simba Queens wameichapa Fountain Gate Princess mabao (2-1) mchezo ulitamatika Dimba la Uhuru jijini Dar es Salaam jioni ya leo.

Ushindi huo umeifanya Simba Queens kufukisha pointi saba baada ya kucheza mechi nne wakishinda mbili sare moja na kupoteza moja.

Wakati Fountain Gate waliingia kwenye mchezo huo wakiwa na rekodi ya kutopoteza mchezo wowote katika michezo yao mitatu ya kwanza.

Mabao mawili ya Simba Queens jioni ya leo yameifanya Fountain Gate Princess kuruhusu mabao msimu huu ambapo ñdo mchezo wa kwanza kuruhusu nyavu zao kutikiswa.

Mchezo ulikuwa wa kasi kwa pande zote mbili kwa kushambulia kupitia mipira mirefu ambayo iliwaweka Fountain mchezoni kwa kufunga bao la kuongoza kabla ya Simba Queens kusawazisha kupitia kwa mkwaju wa penati uliowekwa kambani na Opah Clement.

Kipindi cha pili Simba walifanya mabadiliko katika maeneo kàdhaa ya kiuchezaji na kimbinu na kufanikiwa kuwadhibiti Fountain kwa kuandikisha bao la pili kupitia kwa Asha Djafar.