POLISI WAKAMATA SHEHENA MAGOGO YA MNINGA TUNDUMA

NA KENNETH NGELESI,MBEYA

JESHI la polisi mkoani Mbeya limekamata shehena ya magogo 1613 yenye thamani ya zaidi ya shilingili milioni 89 aina ya Mninga yaliyokuwa yamehiafadhiwa kwenye yadi ya mfanyabiashara mmoja katika kijiji cha Chimbuya wilaya ya Mbozi katika mkoa mpya wa Songwe.

Kamanda wa Polisi Mkoa wa Mbeya Ahamed Msangi (pichani), alisema kuwa taarifa za magogo hayo zilitolewa na raia wema.

Kamanda msangi alisema kuwa magogo hayo yamekutwa kwenye yadi Mfanyabiashara Fredy Mwasenga (Serengeti)ambaye ni mkazi wa Tunduma Wilayani Momba na kwamba baada ya kusikia taarifa hizo mtuhumiwa alikimbia kusiko julikana. 

‘Ni katika msako wa Jeshi la polisi katika mpaka wetu wa Tunduma lakini taarifa za kuwepo kwa magogo katika yadi hii tumeipata kutoka kwa raia wema lakini mtuhumiwa amekimbia ila jeshi la Polisi linaendelea kumsaka ’alisema Msangi.

Msangi alisema kuwa mbali na  kuyakuta magogo hayo katika yadi hiyo likini wakati wakitoka nje waliya kuta mengine yakiwa yametelekezwa barabarani huku akieleza kuwa jeshi hilo liteandelea na harakati za kuwasaka wote wanao jihusisha na biashara haramu na Magendo katika eneo la mpakani. 

Kwa upande wake Janson Mloge ni Meneja Masaidizi wa Mipango na Matumizi endelevu ya mazao ya misitu kanda ya Nyanda za juu Kusini alisema kuwa sheria itachukua mkondo wake licha ya kuwa bado magogo hayo yametoka wapi. 

‘Kuna hadidhi nyingi kwamba mgogo hayo yametoka wapi lakini wenzetu wa usalama watatusaidia lakini tutawashitaki kwa mujibu wa sheria ya misuti namba 14 ya mwaka 2002 vifungu vya 88 na 89 kwa kukutwa au kumiki mazao ya misuti ambayo hayana kibali’ alisema Mloge.

Hata hivyo  baadhi ya raia wanaonekana kumshangaa mmiliki wa yadi hiyo kwa jinsi wanavyomfahamu na kutoamini kuwa anajishughulisha na biashara hiyo ambapo Ali Nzowa Afisa Mtendaji Kata ya Isandula alisema kuwa wanamfahumu mtuhumiwa huyo kama mkulima na mafanyabishara likini hawakujua kama inajihusisha na baiasha hiyo ya magogo. 

 Magogo haya yanakamatwa ikiwa ni siku chache tangu kukamatwa kwa shehena nyingine katika bandari ya Dar Es Salaam yakisafirishwa kwenda nchi za nje.