WAZIRI MAVUNDE AWAKUMBUSHA VIJANA

 Naibu Waziri wa Ofisi ya Waziri Mkuu, Sera Bunge, Kazi, Vijana, Ajira na Walemavu, Anthony Mavunde, akipata maelezo kutoka kwa Robert Samson kuhusiana na eneo ambalo amewekeza kufugia kuku. (Picha na Julieth Mkireri).

Naibu Waziri wa Ofisi ya Waziri Mkuu, Sera Bunge, Kazi, Vijana, Ajira na Walemavu, Anthony Mavunde, akipata maelezo kutoka kwa Robert Samson kuhusiana na eneo ambalo amewekeza kufugia kuku.

Na  Julieth Mkireri, Kibaha

NAIBU Waziri Ofisi ya Waziri mkuu,sera Bunge ,kazi,vijana ajira na walemavu Anthony Mavunde ametaka vijana kuiga mfano wa wengine ambao wamekua wakibuni mbinu za kujiajiri.

Mavunde ametoa kauli hiyo baada ya kumtembelea mjasiriamali kijana Robert Samson ambaye anatarajia kuanza ufugaji wa kuku katika eneo la Visiga Madafu Wilaya ya Kibaha Mkoani Pwani

"Robert anaingia katika kundi la  vijana wa mfano wanaojiajiri bila kusubiri ajira serikalini au sekta binafsi" alisema Malunde.

Alisema Serikali itaendelea kuwaunga mkono na kuwawezesha vijana wanaojiajiri na kuwakwamua kiuchumi.

Akiongelea kuhusiana na shughuli anazofanya kwasasa Robert alisema, pamoja na kuwa na maduka makubwa ya nguo ameamua kutimiza ndoto take ya kufuga kuku.

Amewashauri vijana wengine kuiga mfano kwa kujiajiri wenyewe badala ya kusubiri ajira za serikalini.

Miundombinu ya kufugia kuku hao ikikamilika anatarajia kufuga zaidi ya kuku 20,000 na kufungua vibanda katika maeneo mbalimbali hapa nchini kusambaza kuku.