MILIONI 20 ZAKWAMISHA WODI YA WAZAZI KUZINDULIWA NA MWENGE WA UHURU

NA TIGANYA VINCENT

 

MATUMIZI ya shilingi milioni zenye 20 utata katika mradi wa ujenzi wa Wodi ya Wazazi katika Hospitali ya Halmashauri ya Wilaya ya Nzega umesababisha Kiongozi wa Mbio za Mwenge Kitaifa Mzee Mkongea Ali akatee kuuzindua.

Hatua hiyo imefikiwa jana wakati wa Mbio za Mwenge wa uhuru katika Halmashauri ya Wilaya ya Wilaya ya Nzega.

Alisema kwenye taarifa yao waliyosoma imeonyesha kuwa wametumia milioni 540 kukamilisha ujenzi wa Wodi hiyo lakini baada ya kupitia taarifa za malipo fedha na kuzijumulisha wamekuta zimetumika milioni 560 ikiwa ni ongezeko la milioni 20.

Ali aliongeza kuwa utata mwingine uliojitokeza ni ununuzi wa lita 300 za dawa ya kuua mchwa kwa gharama ya milioni 10.

Alisema kiwango cha dawa hicho ni kingi kulinganisha na eneo la ujenzi jambo ambalo linatia shaka na kuacha maswali mengi.

Ali alimtaka Kiongozi wa Taasisi ya Kuzuia na Kupambana na Rushwa (TAKUKURU) wilayani Nzega kupitia nyaraka zote zinahusu mradi huo na ndani ya wiki watoe taarifa na kama kuna ubadhirifu wahusika wachukuliwe hatua na kama matumizi yako sahihi Mkuu wa Wilaya aweke jiwe la uzinduzi kwa niaba yake.

 

Aliwaonya watumishi wa umma kuwa waadilifu wanaposimamia miradi ya umma ili kuhakikisha fedha zilizotolewa linatumika kwa malengo yaliyopangwa.