WATU 552 WAJITOKEZA KUCHUNGUZA VVU NZEGA MJI WAKATI WA MWENGE WA UHURU

NA TIGANYA VINCENT

 

JUMLA ya wakazi 552 wa Halmashauri ya Nzega Mji wamejitokeza kupima virusi vya UKIMWI wakati wa mbio za Mwenge wa Uhuru katika eneo hilo.

Takwimu hizo zimetolewa leo na Mkuu wa wilaya ya Nzega Godfrey Ngupula wakati akitoa taarifa kwa Kiongozi wa Taifa Mbio za Mwenge wa uhuru Mzee Mkongea Ali.

Alisema katika zoezi hilo wanaume wameongoza kwa kujitokeza kwa wingi ambapo 448 walipima na wanawake walijitokeza ni 103.

Ngupula aliongeza kuwa kati ya hao ni watu 8 ndio waligundulika kuwa na VVU ambao wanaume ni 6 na wanawake ni 2.

Naye Kiongozi wa Mwenge wa Uhuru Kitaifa Ali aliwataka wale wote ambao wamepima na kukutwa na VVU kuzingatia ushauri waliopata na kuanza matumizi ya dawa za kufumbaza VVU.

Alisema kwa wale ambao wamekutwa hawana VVU kuwa waaminifu katika ndoa zao