WIZARA YA AFYA YATOA PIKIPIKI KWA MAAFISA MAENDELEO YA JAMII KUWEZESHA WANAWAKE KIUCHUMI

Na Mwandishi Wetu, Dodoma

 

Wizara ya Afya Idara Kuu Maeandeleo ya Jamii imetoa pikipiki kwa Wataalam wa Maendeleo ya Jamii ili waweze kuwafikia wanawake wa wa mjini na vijijini kwa lengo la kuwahamasisha ili waweze kumiliki na kushiriki kukuza uchumi hapa Nchini.

Akiongea leo Jijini Dodoma Mkurugenzi Idara ya Jinsia Bw. Juluius Mbilinyi kutoka Wizara aya Afya Idara Kuu Maendeleo ya Jamii amesema kuwa wataalam hao wanapatiwa vifaa hivyo vya usafiri ili wawaeze kutoa elimu na kuhamasisha wanawake kuweza kumiliki na kushiriki zaidi katika uchumi wa viwanda.

Aidha Bw. Mbilinyi ameongeza kuwa Wizara imejipanga kuwapatia wanawake kote Nchini fursa za kiuchumi kwa kuwapatia fursa za masoko lakini pia kuhakikisha wanatumia teknolojia raisi itakayowawezesha kuzalisha mali kwa wingi zaidi bila kutumia ghalama kubwa kuwekeza katika teknolojia ya juu.

Bw. Mbilinyi amezitaja takwimu za uchumi wa kaya kuwa zinaonesha kaya zinazoongozwa na wanawake bado umasikini uko kwa 27% wakati zile za wanaume kiwango cha umasikini ni 26% akiongeza kuwa wastani wa kiwango cha umasikini kwa kaya ni  24% akisisitiza kuwa ndio maana nchi inajikita katika kuwezesha wanawake kiuchumi.

Bw. Mbilinyi ameutaja Mpango wa Taifa wa miaka  mitano wa  kutokomeza Ukatili dhidi ya Wanawake na Watoto kuwa unasisitiza kuwa hatuwezi kufikia uchumi wa viwanda kwa kuwaacha wanawake Nyuma ndio maana serikali kupitia Wizara ya Afya imejikita sana katika kuwainua wanawake kiuchumi.

Wakati huohuo Mkurugenzi msaidizi Idara ya Jinsia Bi. Mboni Mgaza ameongeza kuwa Wizara imetoa pikipiki 25 kwa Mkoa wa Dodoma ili kuhakikisha Wanawake wajasiliamali wanafikika popote walipo akitaja pikipiki hizo kuwa nyenzo muhimu ya kuwawezesha  Maafisa Maendeleo ya Jamii kutoa huduma kwa wanawake hao.

Bi. Mboni amesema kuwa  baada ya Wizara kuona kuwa ni vigumu kuwafikia wanawake wengi bila usafiri iliamua kwa nia moja kutafuta namna ya kuwaezesha wataalam ili waweze kufika katika vikundi vya wanawake hao ili kuwahamasisha na kuwapatia elimu ya maendele uku akiongeza kuwa zoezi kama leo litaendelea mapema mwezi huu katika Mkoa wa Katavi ambnapo Wizara yake itakabidhi pikipiki 15 kwa Maafisa Maendeleo Mkoani humo.

Mapema wiki iyopita Makamu wa Rais wa Tanzania Samia Suluhu Hassan alizindua zoezi la ugawaji pikipiki kwa Wataalam wa Maendeleo ya Jamii Mkoani Dodoma zoezi lililowashirikisha viongozi wa Wizara, Mkoa pamoja na Maafisa Maendeleo wa Mkoa na Wilaya za Dodoma.