TIMU YA BUNGE LA TANZANIA KUPEPETANA NA WENZAO WA UGANDA JIONI HII

Naibu Waziri wa Kilimo, Omary Mgumba ambaye pia ni Mbunge wa Jimbo la Morogoro Kusini Mashariki, na mchezaji mwenzake Mhe Cosato Chumi, wakifanya mazoezi ya mwisho chini ya kocha Mhe. Mwamoto, akisaidiwa na Mhe Ally Ngali, Mjini Kampala, leo.

Na Sitta Tumma

Timu ya Bunge la Tanzania Sport Club, maarufu Ndugai Boys, jioni hii inatarajiwa kupepetana na Timu mwenyeji ya Bunge la Uganda.

Mtanange huo wa waheshimiwa wabunge wa Tanzania na majirani zao Uganda, utapigwa kwenye Uwanja wa KCC, Mjini Kampala, Uganda.

Timu ya Bunge la Tanzania inayonolewa na Kocha wake, Mwamoto, akisaidiwa na Mhe Ally Ngali, itaingia uwanjani na matumaini ya kuibuka na ushindi dhidi ya wenyeji.

Naibu Waziri wa Kilimo na Chakula, Omary Mgumba, ambaye ni mchezaji wa timu ya Bunge la Tanzania amesema asubuhi walikuwa na mazoezi ya kujiimarisha zaidi kuwavaa wabunge wa Uganda.

"Mchezo wa leo utahitimisha michuano yote na Timu ya Bunge na msafara mzima unatarajia kurudi nyumbani Tanzania, siku ya Ijumaa Desemba 20, 2019.

"Tutarejea nyumbani tukiwa na matumsini ya ushindi, na kujizolea medali nyingi katika michezo hiyo," Waziri Mgumba amesema.