TAZAMA yakabidhi vifaaa vya jenzi mfumo wa maji kwa Askari Mikumi

 Meneja Mkuu wa kampuni ya Kusafirisha mafuta Kati ya Tanzania na Zambia (TAZAMA) Abraham Saunyama akikabidhi vifaa vya Ujenzi vya mfumo wa Maji kwa mwenyekiti wa kamati ya Ujenzi wa ofisi ya Askari wa Usalama barabarani kituo Cha Polisi Mikumi Christopher Magwai.

Na Ghisa Abby, Morogoro

KAMPUNI ya Kusafirisha Mafuta kati ya Tanzania na Zambia(TAZAMA) Kanda ya Tanzania, imekabidhi vifaa vya ujenzi vya mfumo wa maji kwa ofisi ya Askari wa Usalama Barabarani Kituo cha Polisi Mikumi cha wilayani Kilosa mkoani Morogoro.

Akikabidhi vijaa hivyo leo, Meneja Mkuu wa TAZAMA Kanda ya Tanzanai, Abraham Saunyama alisema Tanaka  kama taasisi ya Serikali itaendelea kushirikiana na jamii katika masuala mbalimbali ikiwa ni pamoja na kusaidia kwenye mambo ua kimaendeleo kama ya kiuchumi.

Saunyama alisema wao kama shirika pamoja na kufanyakazi ya kusafirika mafuta wana jukumu la kusaidia jamii kwenye mambo mbalimbali, na wamekuwa wakifanya hivyo maeneo bomba la mafuta linakopita.

Alisema jeshi la polisi baada ya kutuma maombi Tazama ofisi hiyo waliona kutoa vifaa vya ujenzi vya mfumo huo wa maji kwani pamoja na kukamilika kwa ofisi huduma muhimu ni kuwepo kwa mfumo wa maji ili kuhakikisha jengo hilo linakuwa salama na safi kwa watumiaji.

“Hii ni taasisi ya Serikali tuna wajibu wa kusaidia na tunawahakikisha kuwa tuko tayari kusaidia maeneo mengine hivyo msisite kutuambia,sisi ni majirani kwa maana ya huu ni ujirani mwema,”alisema Saunyama.

Alisema Tazama itaendelea kusaidia kwenye maeneo mengine, ambapo aliomba kuendelea kushirikiana na kudumisha urafiki wao.

"Vifaa hivi vigharimu zaidi ya shilingi milioni 2 ni imani yetu vitatatua tatizo," alisema.

Aidha alisema pamoja na kukabidhi vifaa hivyo wataangalia namna ya kusaidia maeneo mengine ya kituo cha Polisi Mikumu kama eneo la mahabusu ili wanapokuwa katika chumba wawe salama zaidi.

Mwenyekiti Kamati ya Ujenzi wa Ofisi hiyo ya Askari Christopher Magwai, alisema msaada huo ni muhimu na utasaidia kuwaweka askari katika mazingira salama zaidi.

Magwai alisema ujenzi wa ofisi hiyo umegharimu kiasi cha shilingi milioni 28 na hiyo ni michango ya wadau kwa kushirikiana na jeshi la polisi na kwa asilimia 90 imekamilika baada ya kukabidhiwa vifaa hivyo vya mfumo wa maji.

Akisema kwa sasa kilichobaki ni milango, samani pamoja na rangi hivyo ombi kwa wadau kuendelea kuchangia ili ofisi hiyo iweze kuanza kutumika.

Mkuu wa Kituo cha Polisi Mikumi (OCS) Anastazia Basagae, alisema kasi ya ujenzi ilikuwa ikifanyika kwa kusuasua na sasa baada ya kukamilika ni imani litatumika kwa lengo lililokusudiwa.

Alisema katika jitihada za kuhakikisha linakamilika jengo wadau wameweza kujitolea kwa kiasi kikubwa kwa kushirikiana na jeshi la polisi.

Akisema wanaomba wadau kutochoka kuchangia kwa kuwa kuna eneo la chumba cha mahabusu kutokuwa katika mazingira salama.