TCU yatangaza kukamilika Udahili Awamu ya kwanza yafungua Udahili awamu ya Pili Shahada ya Kwanza mwaka wa masomo 2021/22

Katibu Mtendaji wa TCU Prof. Charles Kihampa, akizungumza na waandishi wa habari jijini Dar es Salaam leo Agosti 23, 2021.

 

 

Hussein Ndubikile, Dar es Salaam

 

Tume ya Vyuo Vikuu Tanzania (TCU) imesema kuwa imekamilisha Awamu ya Kwanza ya Udahili kwa ngazi ya Shahada ya Kwanza ya Taasisi za Elimu ya Juu kwa mwaka wa masomo wa 2021/22 huku ikibainisha katika awamu hiyo jumla ya waombaji 68,019 sawa na asilimia 73.2% ya waombaji wote  wamepata udahili vyuoni.

Hayo yamesemwa leo jijini Dar es Salaam na Katibu Mtendaji wa TCU Profesa Charles Kihampa wakati akizungumza na wanahabari kuhusu kukamilka kwa awamu ya kwanza ya udahili na kufunguliwa kwa awamu ya pili ya udahili wa shahada hiyo kwa mwaka wa masomo huo utakaoanza rasmi Agosti 24 hadi Septemba 6 mwaka huu.

Amesema kuwa katika awamu ya kwanza  jumla ya waombaji 92,809 walituma maombi ya kujiunga katika vyuo 74 vilivyoidhishwa kudahili na kwamba jumla ya proramu 724 zimeruhusiwa  kudahili ukilinganishwa na programu 686 za mwaka wa maomo wa 2020/21.

Amebainisha kuwa kwa upande za nafasi za mwaka huu wa masomo kuna jumla ya nafasi 164,901 ikilinganuishwa  na nafasi 157,770 za mwaka uliopita na kusisitiza ni ongezeko la  la nafasi 7,131 sawa na asilimia 4.5 katika progamu za shahada ya kwanza.

" Mwenendo wa udahili wa wamau ya kwanza kwa kpindi cha miaka minne (2018/2019 hadi 2021/22 inaonesha ongezeko kubwa la waombaji ikiashiria ongezeko la wahitimu  wa Kidato cha Sita na wale wa Stashahada," amesema Profesa Kihampa.

Amewasisitiza waombaji ambao hawakuweza kutuma maombai  ya udahili ua kudahiliwa katika awamu ya kwanza kutokana na sababu mbalimbali watumie fursa fursa ya awamu ya pili kutuma maombi kwenye vyuo wanavyovipenda kwani taasisi za elimu hiyo zimeshaelekezwa kutangaza progamu ambazo bado zina nafasi.

Pia, amewahimiza waomabji wa vyuo kuzingatia utaratibu wa udahili kwa awamuya pili kama inavyoelekezwa  kwenye kalenda ya udahili iliyoko kwenye tovuti ya tume hiyo

Aidha, Prof. Kihampa ametoa wito waombaji udahili wa shahada ya kwanza kwa kuwakumbusha masuala yote yanayohusu udahili au ya kujithibisha katika chuo kimoja wayawasilishe moja kwa moja kwenye vyuo husika na kwamba watakaopta changamoto kwenye uthibitisho vyuo vimshaelekezwa kupokea taarifa zao na kuzitafutia ufumbuzi wa haraka kwa kuzingatia miongozo na taratibu zilizowekwa.

Amewaasa wananchi kuepuka kupotoshwa na watu wanaojita mawakala au washauri wakijifana kutoa huduma ya jinsi ya kujiunga  na vyuo vya elimu ya juu nchini na kuwahimiza waombaji waliodahiliwa katika zaidi ya chuo kimoja kuthibitisha udahili wao kwenye chuo kimojawapo kuanza kesho hadi Septemba 6 mwaka huu kwa namba maalum ya siri iliyotumwa kwa ujumbe mfupi kupitia namba zao za simu au barua pepe walizotumia wakati wa kuomba udahili.