RC Makalla aziagiza Manispaa kuwasimamia Wamachinga kwenda kwenye maeneo waliyopangiwa

 Mkuu wa Mkoa wa Dar es Salaam Amos Makalla.

 Na Hussein Ndubikile, Daer es Salaam

Mkuu wa Mkoa wa Dar es Salaam Amos Makalla ameziagiza Manispaa zote za mkoa huo kuendelea kuwasisitiza Wafanyabiashara wadogo wadogo 'Wamachinga' kwenda kwenye maeneo waliohamishiwa kufanya biashara zao.

Hayo ameyasema leo jijini humo wakati akizindua Mk
akati wa Usafi na Uhifadhi wa Mazingira uliobeba kauli mbiu isemayo Safisha  Pendezesha Dar es Salaam.

RC Makalla amesema kuwa kampeni ya kuwaondoa Wamachinga katika maeneo yasiyoruhusiwa imeafanikiwa asilimia 90 na kwamba kauli ameitoa kutokana na baadhi yao kuendelea kukaidi kuondoka kwenye maeneo hayo hivyo ameziagiza manispaa kuwasimamia waende walikopangiwa.

" Da es Salaam tumefanikiwa kwa asilimia 90 kuwaondoa Wamachinga kwenye wasiotakiwa wale waliokuwa hawalitakii mema jambo hili wameshindwa viongozi wao ndio waliosaidia kufanikisha hili," amesema RC Makalla.

RC Makalla ametangaza kuwa kila Jumamosi ya mwisho wa mwezi iwe siku ya kufanya usafi katika jiji hilo hivyo wananchi wanatakiwa kushiriki pamoja na kuwaagiza Wenyeviti wa Mitaa kutimiza wajibu kwa kuhamasisha usafi katika maeneo yao.

Amewaagiza Wakuu wa Wilaya zote kuwa waratibu wa usafi wa pamoja katika wilaya zao kwa kuweka ratiba ya wananchi kushiriki kufanya usafi ili jiji hilo liwe hali ya usafi.

Maagizo mengine ni taassi za umma kulinda maeneo yao kisheria ili wasivamiwe na Wamachinga, majengo yote umma, na binafsi kupigwa rangi,manispaa zote kupitia sheria ndogondogo za ufanyaji biashara kiholela na utupaji taka pamoja na kutoa vibali kwa kampuni za usafi zenye vigezo.

Amewaomba viongozi wa dini kuwahamasisha waamini wao kufanya usafi kwani usafi haliufuati itikadi za kidini hivyo dini zote zinahimiza suala hilo.

RC Makalla amebainisha kuwa Disemba 4 mwaka huu wananchi jiji hilo watasherehekea miaka 60 ya uhuru muda wa asubuhi kwa kufanya usafi katika maeneo yao na kwamba jioni kutakuwa na burudani katika Viwanja vya Leaders, Kinondoni.

Kwa upande wake, Katibu Tawala wa Mkoa huo, Hassan Rugwa amempongeza RC Makalla kwa kuja na mkakati huo na kusisitiza tayari wameshaanda mikataba ya utekelezaji wake.

Nae, Sheikh Mkuu wa Dar es Salaam, Alhad Mussa Salum amewahimiza wakazi  kumsaidia Rais Samia Suluhu Hassan kwa kushiriki kufanya usafi kwani dini zote zinasisitiza usafi.

Baba Askofu Jacob Sosthenes ametilia mkazo suala la ufanyaji ni la waamnini wa dini kutokana maandiko ya vitabu vya dini kuwataka wanadamu kuwa wasafi na kuhifadhi mazingira.

Mabalozi wa Mkakati huo akiwemo Msanii Ali Kiba, Rajab Kahali' Harmonize' na Steve Nyerere wamempongeza RC Makalla na kumuhakikishia kufikisha elimu ya usafi na uhifadhi mazingira kwenye jamii.

Msemaji wa Wamachinga wa Kariakoo Masoud Issa amempongeza RC Makalla na kumuhakikisha wako tayari kuhamasisha wenzao kushiriki kufanya usafi katika maeneo yao.

Amemuomba RC Makalla kutenga stendi za magari katika maeneo waliyopelekwa Wamachinga ili wateja waweze kufika katika maeneo yao kirahisi.