Na Talib Uss, Zanzibar
Serikali
ya Mapinduzi Zanzibar (SMZ) imesema itamchukulia hatua mwananchi atakayefanya biashara ya mchanga bila kufuata utaratibu, Wizara ya
Maji, Nishati na Madini (WMNM) imeshatoa maelekezo katika ununuzi wa
maliasili hiyo huku ikitoa bei elekezi.
Akizungumza na
waandishi wa habari Naibu Waziri wa Maji, Nishati na Madini, Shaaban
Ali Othman wakati akitoa taarifa ya ufunguzi wa shimo jipya la
mchanga katika ukumbi wa jengo la ZURA alisema uuzaji wa maliasili
zisizorejesheka unafanywa na Serikali na sio mwananchi. Hivyo hatuka
kali za sheria zitachukuliwa kwa atayefanya biashara ya mchanga
Zanzibar.
Mhe. Othman alisema SMZ imeweka utaratibu
maalum wa kufungua na kufunga mashimo ya mchanga na wananchi
wanatakiwa kununua kupitia tovuti https://madinismz.go.tz/ huo ndio utaratibu ambao umewekwa kwa wanaanchi wenye mahitaji ya mchanga kwaajili ya ujenzi na sio kupitia kwa mtu binafsi.
Alisema
Wizara ya Maji, Nishati na Madini (WMNM) siku ya Julai 12, 2022
inafungua shimbo jipya la mchanga eneo la Bwimbuni Misufini la familia
ya Bw. Juma Mwinyi liliyopo Wilaya Kaskazini ‘B” Mkoa wa Kaskazini
Unguja kwa ajili ya matumizi ya wananchi.
“WMNM
inafungua shimbo jipya la mchanga eneo la Bwimbuni Misufini la familia
ya Juma Mwinyi na inafunga shimo la ndugu Asha Ibrahim liliopo Donge
Mchangani ambalo lilikuwa likitumika kwa matumizi ya kawaida ya
wananchi’ Alisema Naibu Waziri huyo.
Alifahamisha
bei elekezi kwa tani moja (1) ya mchanga ni shilingi elfu kumi (10,000)
ambayo elfu saba 7,000 zitalipwa kupitia akaunti ya Wizara na elfu tatu
(3,000) italipwa kwa akaunti ya mwenye shamba. Hivyo wananchi wasinunue
maliasili hiyo kwa watu ambao wanafanya ulanguzi.
Aidha
akijibu swali la mwandishi aliyeta kujua sifa ya kufungua shimo la
mchanga, Mhe Othman alisema sifa ziko nyingi lakini kati ya sifa hizo
moja wapo shamba linatakiwa liwe halali kwa mmliki na baada ya hapo
wataalum wanafanye tathmini lisiwe karibu na bahari, makaburi wala
katika eneo la hifadhi ya misitu.
No comments:
Post a Comment