AUCHO NA YANGA DAMU DAMU MILELE

Na Mwandishi Wetu

KIUNGO wa Kimataifa w Uganda anayekipiga kwa Mabingwa wa Kihistoria Yanga SC, Khalid Aucho ameongeza mkataba wa miaka miwili kusalia ndani ya kikosi hicho cha Wananchi,
Anakuwa mchezaji wa pili kuongeza kandarasi  mpaka 2025 ndani ya Yanga.

Siku mbili nyuma alianza kutangazwa Djigui Diarra kipa namba moja wa Yanga ambaye aliongeza mkataba katika kikosi hicho  Januari pili mwaka huu.

Nyota huyo ni chaguo la kwanza la Kocha Mkuu, Nasreddine Nabi ambapo amekuwa akifanya vizuri kwenye mechi zake.
Kwenye eneo la kati ndani ya Yanga kumekuwa na utulivu mkubwa jambo linalowapa rekodi bora ya kufanya usajili ambao ni bora kwa kuhakikisha wachezaji bora ndani ya kikosi wanasalia.

Ukiachana na wachezaji hao wawili kuongeza mikataba ya kusalia mitaa ya Twiga na Jangwani, Yanga imemsajili Mudathir Yahya mbaye alikuwa hana timu.