AZAM FC YAMSHUSHA MLINDA LANGO CHAMAZI

Na Mwandishi Wetu

HATIMAYE Azam FC imemtambulisha nyota mpya mlinda mlango katikakikosi hicho katika dirisha hili dogo la usajili.

Azam wamefikia hatua hiyo mara Baada ya kuwepo na madhaifu katika idara ya lango lao licha ya kumsajili Ally Ahmada dirisha kubwa la usajili lililopita wakimtoa barani Ulaya.

Kwa mujibu wa taarifa ya matajiri hao wa Dar es Salaam imeeleza kuwa wameinasa saini ya nyota huyo kutoka Ghana, Abdulai Iddrisu kwa mkataba wa miaka miwili akitokea Bechem United ya kwao Ghana.

Ni wazi mlindo miringoti mitatu huyo atachukua nafasi ya kuanza katika kikosi cha kwanza cha Kocha Kali Ongala.

Utàmbulisho huo ni muendelezo wa kile walichkiahidi matajiri hao wa Soka la Tanzania kwenye dirisha hili dogo la usajili.