Dande Contanct

KWA MAWASILIANO ZAIDI. E-mail: dande15us@gmail.com.

CRDB

CRDB
.

UTT

UTT
.

NSSF-SHIB

.

.

Pages

SERIKALI YAKATAZA KULIMA PAMBA KWA MKATABA-MAJALIWA

Waziri Mkuu, Kassim Majaliwa akiwakabidhi  hati ya usajili wa chama viongozi  wa chama cha ushirika cha Igembe Sabo cha Bunda , Malongo Mashimo ambaye ni Katibu (kulia) na Maria Nengwa ambaye ni Mwenyekiti wa Ujenzi baada ya  kuzindua ushirika huo akiwa katika ziara ya mkoa wa Mara, Januari 19, 2018.(Picha na Ofisi ya Waziri Mkuu) 

WAZIRI MKUU Kassim Majaliwa amesema Serikali imekataza kilimo cha pamba cha  mkataba kwa sababu kinawanyonya wakulima.

Ameyasema hayo leo (Ijumaa, Januari 19, 2018) wakati akizungumza  na wananchi baada ya kukagua zahanati ya Hunyari wilayani Bunda, akiwa katika ziara ya kikazi mkoani Mara.

“Ni marufuku kwa wanunuzi wa pamba kulima pamoja na wakulima kwa sababu wakulima wanakosa uamuzi wa kupanga bei. Kuanzia sasa zao hilo litauzwa kwa njia ya mnada.”

Amesema Serikali imeweka mkakati wa kuimarisha mazao makuu ya biashara ambayo uzalishaji wake umeanza kupungua likiwemo na zao la pamba.

Waziri Mkuu amesema Serikali imeamua kushiriki kikamilifu katika usimamizi wa kilimo cha zao la pamba kuanzia hatua za maandalizi ya shamba, pembejeo hadi masoko.

Pia Waziri Mkuu amewaagiza Maofisa Kilimo katika wilaya hiyo wawafuate wakulima vijijini kwa ajili ya kutoa elimu itakayowawezesha  wakulima kulima kwa kufuata njia bora za kisasa.

Katika hatua nyingine, Waziri Mkuu amewataka wafugaji kuhakikisha wanakuwa na idadi ya mifugo kulingana na uwezo wa eneo lao.“Marufuku kulisha mifugo katika mashamba ya watu.”

Amesema Serikali itachukua hatua kali za kisheria kwa mfugaji yeyote atakayelisha mifugo yake katika mashamba ya wakulima kwani tabia hiyo huchangia migogo baina yao.

IMETOLEWA NA:
OFISI YA WAZIRI MKUU
IJUMAA, JANUARI 19, 2018.

KAMATI YA MAADILI YA TFF YAKUTANA

Kamati ya Maadili iliyokutana Januari 18, 2018 imepitia shauri lililowasilishwa na Sekretarieti ya Shirikisho la Mpira wa Miguu Tanzania TFF wakiwatuhumu viongozi wanne kwa makosa ya kughushi na udanganyifu wa mapato kwenye mchezo namba 94 kati ya Ndanda FC na Simba uliochezwa Disemba 30,2017.

Shauri la kwanza lililomuhusu Katibu Msaidizi wa Ndanda Ndugu Selemani Kachele,Kamati imegundua kuwa mtuhumiwa aliitwa wakati wa kuhesabu mapato kuthibitisha deni dhidi ya Ndanda lenye thamani ya Shilingi Milioni mbili laki mbili na elfu hamsini(2,250,000),deni ambalo TFF waliagiza wakatwe kwenye mapato ya mechi hiyo,Katibu wa Chama cha Mpira wa Miguu mkoa wa Mtwara alithibitisha kuwa alimuita kuthibitisha uhalali wa deni hilo baada ya Muhasibu wa Ndanda kugoma kulipa deni hilo ambalo linahusu pango la Ndanda kwa Mama mwenye Nyumba.

Hata hivyo Kamati ilimuhoji zaidi na akashindwa kutoa uthibitisho wa kulipwa kwa deni hilo na hakuna kumbukumbu zozote zinazoonyesha kuwa deni hilo limelipwa.

Kamati imempa onyo kwa mujibu wa kifungu cha 6(1)(a) kanuni za maadili ya TFF toleo la 2013 na imeiomba Sekretarieti ya TFF ifuatilie kama deni hilo limeshalipwa ili kuepusha ulipaji wa Zaidi ya mara moja.

Shauri la Pili lilimuhusu Muhasibu Msaidizi wa Simba, Ndugu Suleiman Kahumbu.

Kamati haikuendelea na tuhuma dhidi yake baada ya Sekretarieti ya TFF kuamua kuondoa shauri dhidi yake kwa kuwa alitoa ushirikiano na kutosheka kuwa hana hatia na badala yake alitumika kama shahidi wa upande wa washtaki.

Shauri la tatu lilimuhusu Katibu mkuu wa Chama cha soka Mtwara Ndugu Kizito Mbano.
Kamati ilimuhoji mtuhumiwa na alikiri kuwepo kwa mawasiliano na msimamizi wa kituo Ndugu Dunstan Mkundi kuhusu nia ya kughushi fomu ya marejesho ya mapato ya mchezo kati ya Ndanda FC na Simba SC.

Ndugu Kizito Mbano hakutoa taarifa yoyote ile wala kuonyesha ushirikiano kwa Sekretarieti ya TFF na Bodi ya Ligi wakati yeye akiwa msimamizi msaidizi wa kituo na Katibu Mkuu wa Chama cha Soka cha Mkoa wa Mtwara,hivyo Kamati imemkuta na hatia na imemuhukumu kutojihusisha na shughuli za Mpira wa Miguu kwa kipindi cha miaka Mitano(5) kwa mujibu wa kifungu cha 73(7) cha kanuni za maadili TFF toleo la 2013.

Shauri la nne lililosikilizwa lilikuwa la Msimamizi wa Kituo cha Mtwara Ndugu Dunstan Mkundi.
Kamati baada ya kusikiliza shauri hilo imemkuta na hatia kwa kosa la kushindwa kuwasilisha fomu ya mapato ya mchezo kati ya Ndanda FC na Simba ndani ya saa 48 kama kanuni inavyotaka.

Hiyo ni kinyume na Kanuni ya 32(2) Kanuni za Ligi Kuu toleo la 2015,Vilevile Kamati imemkuta na hatia ya kushindwa kusimamia mauzo ya tiketi za mchezo kati ya Ndanda FC na Simba  kwa kutotoa taarifa ya tiketi zilizotumika na zile zilizobaki.

Kamati ilibaini kuwa Ndugu Dunstan Mkundi akiwa msimamizi wa kituo hakutoa ushirikiano kwa kutompa taarifa za mapato na idadi ya watazamaji Kamisaa wa mchezo Salum Singano kinyume na Kanuni ya 32(4) ya Ligi Kuu toleo la 2017.


Aidha Mkundi ambaye ni msimamizi wa kituo cha Mtwara ameshindwa kutoa maelezo ya kutosha kuhusu utata wa fomu mbili zilizowasilishwa zilizoonyesha utofauti wa mapato kwa kiasi cha shilingi Milioni tatu laki saba kumi elfu(3,710,000).

Washtakiwa wote walihojiwa na Kamati na kuthibitisha kuwa mapato ya mchezo kati ya Ndanda FC na Simba yalikuwa ni Shilingi Milioni thelathini na saba laki saba na themanini elfu(37,780,000) na siyo Shilingi milioni thelathini nne sabini elfu(34,070,000) ambazo Ndugu Mkundi anadai kuwa ndiyo yalikuwa mapato ya mchezo huo.

Kulingana na nyaraka zilizowasilishwa kutoka klabu za Ndanda FC na Simba mapato ya Vilabu hivyo yalitokana na asilimia ya vyanzo kutokana na milioni thelathini na saba laki saba themanini elfu(37,780,000) na siyo Shilingi milioni thelathini nne sabini elfu(34,070,000)kama alivyowasilisha msimamizi huyo wa kituo cha Mtwara nyaraka za fedha alizoweka kwenye akaunti za TFF na Bodi ya Ligi.

Kitendo cha kughushi nyaraka na kupunguza mapato ya mchezo kati ya Ndanda FC na Simba siyo tu kimeharibu taswira ya mchezo wa Mpira wa miguu,bali pia kimepunguza mapato ya TFF,Bodi ya Ligi na taasisi nyingine kama Mamlaka ya Mapato (TRA),Baraza la Michezo la Taifa (BMT),Wamiliki wa Uwanja na Wadau wengine.

Kamati imemtia hatiani Ndugu Dunstan Mkundi kwa makosa hayo na inamfungia maisha kutojishughulisha na mchezo wa Mpira wa Miguu.

Kamati imetoa adhabu hiyo kali ili iwe fundisho kwa wale wote wanaotaka kufanya ubadhirifu wa ufisadi katika mchezo wa Mpira wa Miguu.

Kamati inashauri Sekretarieti ya TFF ifuatilie suala hili kwenye vyombo vya dola na mamlaka husika kwa hatua zaidi za kisheria.

Pia Kamati imeiomba Sekretarieti ya TFF na Bodi ya Ligi kutafuta njia bora ya kuimarisha udhibiti wa mapato kwa kuongeza uwajibikaji wa uwazi kwa wadau wote,Vilevile Kamati inashauri Sekretarieti ya TFF na Bodi ya Ligi kuharakisha mchakato wa kukusanya mapato yake kwa njia za kielektroniki ili kuziba mianya ya upotevu.

IMETOLEWA NA SHIRIKISHO LA MPIRA WA MIGUU TANZANIA TFF

Tigo yamwaga mamilioni kwa mawakala

Mkurugenzi Mtendaji wa Tigo, Simon Kariri, akizungumza na waandishi wa habari jijini Dar es Salaam wakati wa hafla ya kukabidhi zawadi kwa washindi wa promosheni iliyokuwa na lengo la kurudisha shukrani kwa mawakala wa Tigo Pesa katika kipindi cha Sikukuu za Mwaka Mpya.  
 Mkurugenzi Mtendaji wa Tigo, Simon Kariri, akimkabidhi mfano wa hundi ya Sh. Milioni 15, mmoja wa mawakala walioshinda promosheni ya mawakala wa Tigo Pesa, Roida Kipinya.  
 Mshindi wa Sh. Milioni 10, Mojelwa Mlinga. 
 Mshindi wa Sh. Milioni 2, Vicky Ibrahim, akipokea zawadi yake.
Mshindi wa Sh. Milioni moja, Said Khatib, akitopokea mfano wa hundi.
shindi wa Sh. Milioni 10, Mojelwa Mlinga, akizungumza na waandishi wa habari baada ya kupokea mfano wa hundi ya Sh. Mill. 10.
 Said Khatib akizungumza na waandishi wa habari.
 Vicky Ibrahim akizungumza baada ya kupokea hundi yake.
 Mkurugenzi Mtendaji wa Tigo, Simon Karikari (wa nne kushoto) akiwa katika picha ya pamoja na washindi wa promosheni ya mawakala wa Tigo Pesa.
Washindi wakiwa na hundi zao.

Mkutano Mkuu Wakuifufua Upya Jumuiya ya Watanzania Washington DC

Watanzania waishio Washington DC na Vitongoji vyake, siku ya Jumapili Jan 14, waliweza kufanya maamuzi ya kuifufua tena Jumuiya ya Watanzania DMV, ilivunjika kwa zaidi ya miaka miwili hadi kufikia kufanya maamuzi ya kuifufua tena upya Jumuiya hiyo.
Kamati ya Maandalizi pamoja na waTanzania waliohudhuria katika mkutano huo, waliweza kufanya maamuzi ya kuteuwa watu saba kuwa ndani ya Kamati ya Uchaguzi, ili kushindikiza katika uchaguzi kujachua viongozi wapya watakaojitokeza kuchukua fumu za kugombea uongozi wa Jumuiya hiyo.
Viongozi wa Kamati ya Mda ya Uchaguzi waliochaguliwa na Watanzania waliohudhuria katika mkutano huo ni ; Robert Saulanga - Mwenyekiti Richard Mawenya - M/Kiti Msaidizi Julius Manase - Katibu Eddha Ghachuma - Muweka Hazina Mama Mushala - Mjumbe Kenyatta - Mjumbe Simba Sakapala - Mjumbe.

Watatu walamba mamilioni ya tatumzuka jumapili Jackpot

 Meneja Mawasiliano wa mchezo wa kubahatisha wa TatuMzuka Sebastian Maganga akizungumza mbele ya Waandishi wa habari (hawapo pichani) hivi karibuni wakati wa kuwatambulisha na  kuwakabidhi hundi zao washindi watatu wa TatuMzuka (Jumapili Jackpot), mchezo huo ulifanyika mwishoni mwa wiki.Maganga amewaomba Watanzania kuendelea kujitokeza kwa wingi kuendelea kucheza mchezo huo,kwani umekuwa ukiwakwamua wengi waliobahatika na kuwa wafanyabiashara/wajasiliamali wazuri na vipato vyao vimekuwa vikiongezeka siku hadi siku.
Pichani kati ni Lucas Swebe akitoa ushuhuda wa namna alivyojishindia fedha taslimi Milioni tano katika  mchezo wa TatuMzuka (Jumapili Jackpot),Pichani kulia ni mshindi mwingine aitwaye Mrisho Maganga aliyejinyakulia kitita cha shilingi Milioni 22 pamoja nae (kutosho) ni Daniel Mwachali ambaye naye alijinyakulia kitita cha shilingi Milioni 22.
 Meneja Mawasiliano wa mchezo wa kubahatisha wa TatuMzuka Sebastian Maganga akimkabidhi mfano wa hundi ya Milioni 22,Danie Mwachali aliyojishindia kwenye mchezo wa TatuMzuka (Jumapili Jackpot) uliofanyika mwishoni mwa wiki.

MADIWANI WATAKIWA KUTUNZA MIRADI YA MAENDELEO

 
Makamu wa Rais Samia Suluhu Hassan (katikati) akizungumza jambo na Mkurugenzi wa Kampuni ya Dezo Civil Contractors Co. Ltd   (watatu kushoto), Premji  Pindoria wakati akikagua mtaro wa kutiririsha maji ya mvua uliyopo Mtoni kwa Azizi Ally ambao umejengwa na kamupuni hiyo.

Mtaro wa maji ya mvua uliyojengwa.
 
NA JANETH JOVIN 
 
MAKAMU wa Rais, Samia Suluhu Hassan amewataka madiwani wote nchini bila kujali vyama vyao kuhakikisha wanatunza miradi ya maendeleo inayotekelezwa katika Kata zao na kuwachukulia hatua mara moja watu wote wanaohujumu miundombinu hiyo. 
 
Aidha amewataka wananchi kuhakikisha wanaitunza miundombinu hiyo ikiwemo mifereji ili kuepukana na mafuriko yanayotokana na mvua.
 
Samia aliyasema hayo jana jijini Dar es Salaam wakati akikagua ujenzi wa miundombinu ya mitaro ya maji ya mvua katika mtaa wa Bungoni kata ya Buguruni na mtaa wa Miburani kata ya Mtoni ikiwa ni ziara yake ya siku mbili.
Alisema maendeleo ya nchi na athari za mabadiliko ya tabia nchi hayana vyama hivyo ni jukumu la kila mmoja kuhakikisha wanatunza miradi hiyo na mazingira kwa ujumla. 
 
"Kuna athari kubwa kwa mambo tunayofanya wenyewe ikiwemo uharibifu wa mitaro, utiririshaji wa majitaka katika mitaro haswa kipindi cha mvua na kuathiri watoto wetu, kutuathiri sisi wenyewe na viumbe vinavyotuzunguka" alisema.
 
Alisema "kutiririsha kinyesi kwenye mitaro au kipindi cha mvua sio utamaduni wetu watanzania, hivyo naomba mitaro hii utumike kwa malengo yaliyokusudiwa... usafi ni nyumbani kwetu na mazingira yanayotuzunguka".
 
Aidha alisema "ni wajibu wa kila serikali kuhakikisha wananchi wake wanaishi salama na ndiyo sababu Serikali imekuwa ikifanya juhudi mbalimbali ikiwemo kujenga miradi ya maendeleo.Tuna wajibu wa kutunza usalama wenu ila pia usalama wako unaanza na wewe mwenyewe". 
 
Naye Waziri wa Nchi Ofisi ya Makamu wa Rais anayeshughulikia Muungano na Mazingira, January Makamba alisema moja ya changamoto inayoikabili jiji la Dar es Salaam ni mafuriko ya mara kwa mara yanayosababishwa na uwepo wa miundombinu mibovu.
 
Hivyo Makamba amewataka wananchi kuhakikisha wanatumia miundombinu hiyo iliyojengwa kwa madhumuni yaliyokusudiwa na si kwa kutiririsha maji machafu na kutupa taka.
"Tunajua mtaro huu wa buguruni na mingine iliyojengwa haitoshi kukabiliana na tatizo lililopo Dar es Salaam na ndio maana tunaendelea kuzungumza na wadau mbalimbali ili watupatie fedha tuweze kuboresha miundombinu yet, "alisema.

NSSF YAWAKUMBUKA YATIMA DAR

WANAOISHI MAENEO HATARISHI KUHAMISHWA CHEMBA

Mkuu wa wilaya ya Chemba ,Simon Odunga akifafanuajamba wakati kamati ya maafa ya wilaya nakata ya Mrijo walipokutana na wataalamu kutoka Ofisi ya Waziri Mkuu kwa ajiliya tahmini ya athari zamaafa ya mafuriko katika katika wilaya hiyo.
Baadhi ya nyumba ambazo zimezungukwa na maji katika kata ya Mrijo wilayani Chemba kutokana na maafa ya mafuriko yaliyotokana na mvua zinazoendelea kunyenya wilayani humo.

Na Mwandishi Maalum
SERIKALI wilayani Chemba mkoani Dodoma imesema kuwa imepanga kuwahamisha watu wanaoishi maeneo hatarishi ya kupata mafuriko kutokana zaidi ya kaya 2,000 zimezungukwa na maji katika kata ya Mrijo hadi hivi sasa.
Akiongea wakati akitoa taarifa kwa waratibu wa maafa kutoka ofisi ya waziri mkuu waliokwenda kufanya tathimini ya maafa yaliyotokana na mafuriko ya mvua zinazoendelea kunyesha wilayani humo, mkuu wa wilaya ya Chemba, Simon Odunga alibainisha kuwa mkakati wa muda mrefu walionao ni kuwatafutia wakazi hao maeneo salama.   
Odunga Alisema kuwa kwa sasa kamati za maafa zimechukua hatua ya kukabili maafa ya mafuriko kutokana na  idadi ya nyumba zilizozungukwa na maji imekuwa ikiongezeka siku hadi siku kutokana na mvua zinazoendelea kunyesha hivyo wameanzisha kambi maalum kwa watu ambao nyumba zao zimeanguka kutokana na maafa hayo.
Aliongeza kuwa msaada wa haraka unahitajika kutokana na waathirika hao wa mafuriko kutumia  baadhi ya majengo ya madarasa ambayo yanapaswa kutumiwa na  wanafunzi ambao wanajiunga na masomo mwaka huu.
“kwa sasa tunahitaji sana mahema, mataulo, mashuka , chakula pamoja na madawa kwajili ya kuwahudumia hawa watu ambao tunao hapa na tukipata vifaa hivyo basi tutaondoka hapa na kwenda kutengeza kambi sehemu nyingine ambayo tumeiandaa maaluum kwajili ya kuwahifadhi hawa watu na kuacha haya madarasa kwajili ya matumizi ya wanafunzi” alisema Odunga.
Mkuu huyo wa wilaya aliongeza kuwa tayari wilaya imeshaunda kamati mbalimbali ambazo zinahusika katika kusaidia wahanga hao kuwa salama kiafya kwa kuchukua tahadhari zinazoweza kuibuka kwa magonjwa ya mlipuko.
Naye mratibu wa maafa kutoka ofisi ya waziri mkuu Ally Mwatima, alisema kuwa mahitaji yote ambayo yameanishwa na mkuu huyo wa wilaya wameyachukua na watayawasilisha ili hatua ziweze kuchukuliwa mapema iwezekanavyo.
“Kwanza niwapongeze kwa kukabili maafa kwa mujibuwa sheria,kanuni namiongozo ya menejimentiya maafa, hali hii  imesaidia kuokoa maisha ya hawa wenzetu na mahitaji yote mliyobainisha ni ya msingi sana hivyo tutakwenda kuonana pia na kamati ya maafa mkoa ili kuweza kuona na sisi tunaongeza nguvu katika vitu gani vya msingi ambavyo vitawasadia hawa wenzetu”alisema Mwatima.

WAZIRI MWIGULU AKUTANA NA VIONGOZI KUJADILI MASUALA YA JESHI LA MAGEREZA

  Waziri wa Mambo ya Ndani ya Nchi, Dk. Mwigulu Nchemba, akizungumza wakati wa kikao cha kujadili masuala mbalimbali ya Jeshi la Magereza baada ya kukutana na Katibu Mkuu wa wizara hiyo, Meja Jenerali Mstaafu Projest Rwegasira (kushoto) na Kamishna Jenerali wa Jeshi la Magereza nchini, Dk. Juma Malewa. Kikao hicho kimefanyika leo ofisi ya wizara,jijini Dar es Salaam. Picha na Wizara ya Mambo ya Ndani ya Nchi.
 Katibu Mkuu Wizara ya Mambo ya Ndani ya Nchi, Meja Jenerali Mstaafu Projest Rwegasira (kushoto) na Kamishna Jenerali wa Jeshi la Magereza, Dk. Juma Malewa(kulia), wakimsikiliza Waziri wa wizara hiyo, Dk. Mwigulu Nchemba walipokutana kujadili masuala  ya jeshi hilo. Kikao hicho kimefanyika leo ofisi ya wizara,jijini Dar es Salaam.
Katibu Mkuu Wizara ya Mambo ya Ndani ya Nchi, Meja Jenerali Mstaafu Projest Rwegasira, akifafanua jambo kwa Waziri wa Mambo ya Ndani ya Nchi, Dk. Mwigulu Nchemba na Kamishna Jenerali wa Jeshi la Magereza, Dk. Juma Malewa (kulia), wakati wa kikao cha kujadili masuala mbalimbali ya jeshi hilo.Kikao hicho kimefanyika leo ofisi ya wizara,jijini Dar es Salaam.
IMEANDALIWA NA KITENGO CHA MAWASILIANO YA SERIKALI-WIZARA YA MAMBO YA NDANI YA NCHI

SIJARIDHISHWA NA UJENZI WA KITUO CHA SIRARI-MAJALIWA

WAZIRI MKUU Kassim Majaliwa amesema hajaridhishwa na ubora wa ujenzi wa kituo cha forodha cha Sirari kilichopo kwenye mpaka wa Tanzania na Kenya.
Kufuatia hali hiyo amemtaka Kamishna wa Mamlaka ya Mapato Tanzania (TRA)  afike ofisi ya Waziri Mkuu mjini Dodoma akiwa na mkandarasi aliyejenga kituo hicho.
“Serikali haiwezi kuvumilia ujenzi wa hovyo kiasi hiki, namtaka Kamishna wa TRA aje ofisini kwangu Januari 25, 2018 pamoja na mkandarasi aliyejenga kituo hiki akiwa na nyaraka zote za ujenzi wa jengo hilo.”
Ameyasema hayo leo (Jumatano, Januari 17, 2018) mara baada ya kumaliza kukagua kituo hicho kilichopo wilayani Tarime, akiwa katika ziara yake ya kikazi mkoani Mara.
Waziri Mkuu amesema hajaridhishwa na ujenzi huo kwa kuwa upo chini ya kiwango. Kituo hicho kilianza kujengwa mwaka 2011 na kukamilika mwaka 2014.
Waziri Mkuu amejionea mwenyewe kuta za jengo hilo zikiwa na nyufa nyingi kuanzia ukutani hadi sakafuni na pia rangi za baadhi ya kuta zikiwa zimebanduka.
Katika hatua nyingine, Waziri Mkuu amewataka wananchi wa wilaya hiyo kufanya shughuli zao za kiuchumi kwa kuzingatia sheria na wajiepusha na biashara za magendo.
Waziri Mkuu amesema magendo yanaikosesha Serikali mapato, hivyo bidhaa yoyote itakayokamatwa ikiingizwa nchini kwa njia za magendo itataifishwa pamoja na chombo cha usafiri kilichotumika. 
Pia Waziri Mkuu ametembelea shule ya Sekondari ya Wasichana ya Borega, ambapo amewasisiza wananchi wasimamie elimu ya watoto wa kike ili wafikie malengo yao.
Amesema Serikali imeweka sheria kali kwa yeyote atakayekatisha masomo kwa watoto wa kike iwe kwa kumpa ujauzito au kumoa, adhabu yake ni kifungo cha miaka 30 jela. 
Hata hivyo, Waziri Mkuu amewataka wanafunzi hao wasome kwa bidii ili waweze kutimiza ndoto zao na kamwe wasijihusishe katika mambo ambayo hayahusiani na masomo.
IMETOLEWA NA:
OFISI YA WAZIRI MKUU
JUMATANO, JANUARI 17, 2017.

FAMILIA ILIYODHURUMIWA KIWANJA YAMUOMBA RAIS MAGUFULI KUWASAIDIA KUPATA HAKI YAO

 
Msemaji wa familia ya Marehemu Iddi Tosiri, Iddi Tosiri akizungumza na waandishi wa habari (hawapo pichani) juu ya kudhurumiwa kiwanja cha marehemu baba yako kilichopo mtaa wa Ukami Kariakoo jijini Dar es Salaam Januari 17, 2018.


Huyo ni Mtoto wa marehemu Iddi Tosiri, Maulid Tosiri.


NA JANETH JOVIN
FAMILIA ya marehemu Iddi Tosiri imemuomba Rais John Magufuli awasaidie kupata haki yao ya kupata kiwanja walichodhurumiwa.

Familia hiyo imedai kuwa wamedhurumiwa kiwanja cha marehemu baba yao chenye namba 11 block70-L 10270 kilichopo mtaa wa Ukami Kariakoo jijini Dar es Salaama.

Akizungumza na waandishi wa habari jijini Dar es Salaam Januari 17, 2018 Msemaji wa familia hiyo, Iddi Tosiri alisema marehemu baba yao alikuwa akifanya kazi kwa wakoloni na kupata fedha zilizomuwezesha kununua viwanja mbalimbali.

Alisema pamoja na viwanja vingi alivyonunua kipo kimoja ambacho alidhurumiwa na wakili wake aliyempatia kazi ya kubadilisha jina la hati ya kiwanja hicho alichopewa kwa umiliki wa miaka 99.

"Marehemu alimkabidhi wakili huyo hati hiyo mbele ya mashahidi na kiwanja hicho kilikuwa na nyumba ambayo baba yetu alinunua mwaka 1958,hata hivyo wakili huyo alibadili hati na kudanganya kuwa yeye ameomba kupewa kiwanja hicho kwani hakukuwa na kitu jambo ambalo si kweli.

Licha ya kudai haki yetu kwa muda mrefu kwa kupeleka vielelezo lakini tumekwama kutokana na mlalamikiwa kukingiwa kifua na baadhi ya watu serikalini, hivyo basi tunamuomba Rais mtetezi wa wanyonge aingilie kati na atusaidie katika hili,"alisema.

Naye Mtoto wa Marehemu, Maulid Tosiri alisema marehemu baba yake amefanya kazi kubwa na kuwa mstari wa mbele wakati wa kupigania uhuru wa Tanganyika.

SIJARIDHISHWA NA UJENZI WA KITUO CHA SIRARI-MAJALIWA

WAZIRI MKUU Kassim Majaliwa amesema hajaridhishwa na ubora wa ujenzi wa kituo cha forodha cha Sirari kilichopo kwenye mpaka wa Tanzania na Kenya.


Kufuatia hali hiyo amemtaka Kamishna wa Mamlaka ya Mapato Tanzania (TRA)  afike ofisi ya Waziri Mkuu mjini Dodoma akiwa na mkandarasi aliyejenga kituo hicho.
“Serikali haiwezi kuvumilia ujenzi wa hovyo kiasi hiki, namtaka Kamishna wa TRA aje ofisini kwangu Januari 25, 2018 pamoja na mkandarasi aliyejenga kituo hiki akiwa na nyaraka zote za ujenzi wa jengo hilo.”
Ameyasema hayo leo (Jumatano, Januari 17, 2018) mara baada ya kumaliza kukagua kituo hicho kilichopo wilayani Tarime, akiwa katika ziara yake ya kikazi mkoani Mara.
Waziri Mkuu amesema hajaridhishwa na ujenzi huo kwa kuwa upo chini ya kiwango. Kituo hicho kilianza kujengwa mwaka 2011 na kukamilika mwaka 2014.
Waziri Mkuu amejionea mwenyewe kuta za jengo hilo zikiwa na nyufa nyingi kuanzia ukutani hadi sakafuni na pia rangi za baadhi ya kuta zikiwa zimebanduka.
Katika hatua nyingine, Waziri Mkuu amewataka wananchi wa wilaya hiyo kufanya shughuli zao za kiuchumi kwa kuzingatia sheria na wajiepusha na biashara za magendo.
Waziri Mkuu amesema magendo yanaikosesha Serikali mapato, hivyo bidhaa yoyote itakayokamatwa ikiingizwa nchini kwa njia za magendo itataifishwa pamoja na chombo cha usafiri kilichotumika.
Pia Waziri Mkuu ametembelea shule ya Sekondari ya Wasichana ya Borega, ambapo amewasisiza wananchi wasimamie elimu ya watoto wa kike ili wafikie malengo yao.
Amesema Serikali imeweka sheria kali kwa yeyote atakayekatisha masomo kwa watoto wa kike iwe kwa kumpa ujauzito au kumoa, adhabu yake ni kifungo cha miaka 30 jela.
Hata hivyo, Waziri Mkuu amewataka wanafunzi hao wasome kwa bidii ili waweze kutimiza ndoto zao na kamwe wasijihusishe katika mambo ambayo hayahusiani na masomo.
IMETOLEWA NA:
OFISI YA WAZIRI MKUU
JUMATANO, JANUARI 17, 2017.

MAKAMU WA RAIS AKAGUA UJENZI WA UKUTA WA FUKWE YA KIGAMBONI

Makamu wa Rais (katikati) Samia Suluhu Hassan akipata maelezo juu ya ujenzi wa ukuta wa Kigamboni kutoka kwa Mkurugenzi wa Kampuni ya Dezo Civil Contractors Co. Ltd, Premji Pindoria (kushoto) kulia NIU Mkuu wa Mkoa wa Dar es Salaam, Poul Makonda. (Picha na Janeth Jovin).

NA JANETH JOVIN

MAKAMU wa Rais Samia Suluhu Hassan amewataka watanzania kuyatunza mazingira yanayowazunguka ili kuepukana na athari za  mabadiliko ya tabianchi.

Mama Samia amesema kama jamii haitaweza kufanya hivyo basi hupo uwezekano mkubwa katika maeneo ya nchi hasa kwenye fukwe za Bahari ardhi yake kumomonyoka.

Akizungumza jijini Dar es Salaam leo wakati ziara ya kikazi ya kukagua ujenzi wa ukuta katika fukwe ya Kigamboni na Ocean Road, Samia alisema kwa sasa mazingira yameanza kuharibiwa nchini hivyo ni muhimu kuchukua hatua ya kuzuia yale yote yanayosababisha uharibifu huo.

Alisema ni lazima kila mtu kuwa rafiki wa mazingira kwa kuacha kukata miti hovyo na kutochimba mchanga baharini na kwenye vyanzo vya maji.

"Suala la mazingira ni letu sote na tukumbuke kuwa unapoharibu mazingira lazima yatakuja kukuadhibu baadae hivyo niwaombe wananchi wayatunze ili yatutunze na tuweze kukabiliana na mabadiliko ya tabianchi, "alisema.

Naye Waziri wa Nchi Ofisi ya Makamu wa Rais anayeshughulikia Muungano na Mazingira, January Makamba alisema mradi huo wa ukuta ni miongoni mwa miradi mbalimbali ya kukabiliana na athari za mabadiliko ya tabianchi.

Alisema mradi huo ambao umekamilika kwa asilimia 93 utazuia kubomoka kwa chuo cha Mwalimu Nyerere kilichopo Kigamboni jijini Dar es Salaam.

"Nchi yetu inaufukwe wa bahari upatao Kilomita 1400, eneo hili ni kubwa na athari zilizopo huko kutokana na watu kutotunza mazingira ni kubwa mno hivyo ni muhimu kuendelea kupaza sauti na kukemea uharibifu wa mazingira, " alisema.

Naye Meneja mradi huo Fred Manyika alisema urefu wa ukuta uliyojengwa kigamboni ni Mita 500 na wa Ocean Road ni mita 920.

MAADHIMISHO YA SIKU YA POSTA AFRIKA KUFANYIKA JANUARI 18

Mwenyekiti wa Bodi ya Shirika la Posta Tanzania (TPC), Dk. Haruni Kondo akizungumza na waandishi wa habari, jijini Dar es Salaam leo, wakati alipokuwa akitoa salamu zake katika kuadhimisha Siku ya Posta Afrika kesho, Januari 9, 2018. Kushoto ni Kaimu Postamasta Mkuu wa TPC, Hassan Mwang'ombe.(Picha zote na Kassim Mbarouk-www.bayana.blogspot.com).
Baadhi ya viongozi wa vitengo vya Shirika la Posta wakimsikiliza Mwenyekiti wa Bodi ya shirika hilo, Dk. Haruni Kondo, alipokuwa akizungumza na waandishi wa habari, wakati akitoa salamu zake katika kuadhimisha Siku ya Posta Afrika kesho Januari 9, 2018. 
Baadhi ya viongozi wa wafanyakazi na wa vitengo vya Shirika la Posta wakimsikiliza Mwenyekiti wa Bodi ya shirika hilo, Dk. Haruni Kondo, jijini leo, alipokuwa akizungumza na waandishi wa habari, wakati akitoa salamu zake katika kuaadhimisha Siku ya Posta Afrika kesho.
Baadhi ya viongozi wa wafanyakazi na wa vitengo vya Shirika la Posta wakiwa katika mkutano huo jijini leo.
Baadhi ya viongozi wa wafanyakazi na wa vitengo vya Shirika la Posta wakisikiliza, salamu zilizokuwa zikitolewa na Mwenyekiti wa Bodi ya shirika hilo, Dk. Haruni Kondo, mbele ya waandishi wa habari, katika kuaadhimisha Siku ya Posta Afrika jijini Dar es Salaam kesho.
Baadhi ya viongozi wa wafanyakazi na wa vitengo vya Shirika la Posta wakimsikiliza Mwenyekiti wa Bodi ya shirika hilo, Dk. Haruni Kondo.
Baadhi ya viongozi wa wafanyakazi na wa vitengo vya Shirika la Posta wakifuatilia mkutano huo.
Mwenyekiti wa Bodi ya Shirika la Posta Tanzania (TPC), Dk. Haruni Kondo akitoa salamu zake katika za maadhimisho ya Siku ya Posta Afrika, mbele ya waandishi wa habari, jijini Dar es Salaam leo.
Mkuu wa Kitengo cha Mawasiliano cha TPC, Elia Madulesi (kulia) na Meneja Msaidizi wa Huduma za Barua, Jasson Kalile, wakifuatilia kwa makini maelezo yaliyokuwa yakitolewa mbele ya waandishi wa habari katika mkutano huo.
Mwenyekiti wa Bodi ya Shirika la Posta Tanzania (TPC), Dk. Haruni Kondo akijibu baadhi ya maswali yaliyokuwa yakiulizwa na waandishi wa habari, mara baada ya kutoa salamu zake za  maadhimisho ya Siku ya Posta Afrika.
Kaimu Postamasta Mkuu wa TPC, Hassan Mwang'ombe, akizungumza na waandishi wa habari katika mkutano huo. Kulia ni Mwenyekiti wa Bodi ya Shirika la Posta Tanzania (TPC), Dk. Haruni Kondo.
Kaimu Postamasta Mkuu wa TPC, Hassan Mwang'ombe, akijibu maswali ya waandishi wa habari katika mkutano huo.
Baadhi ya viongozi wa wafanyakazi na wa vitengo vya Shirika la Posta wakifuatilia mkutano huo.

KESHO tarehe 18/01/2018, Shirika letu la Posta litaungana na Mashirika mengine Afrika kuadhimisha kuanzishwa kwa Umoja wa Posta Afrika (PAPU) mnamo mwaka 1980.

Umoja huu makao makuu yake yapo Arusha Tanzania. Lengo la kuanzishwa Umoja huu ni kusimamia maendeleo ya Posta Afrika.

Pamoja na salaam zangu kwa Katibu Mkuu wa Umoja huu Bwana Younouss Djibrine na watendaji wenzake, napenda kuwapongeza wanaposherehekea miaka 38 ya Umoja huu.
Kauli mbiu ya mwaka huu ni “POSTA: Muundombinu muafaka kwa Serikali katika kufikia Malengo yake ya Maendeleo”.

Kutokana na Posta kuwa na matawi mengi yaliyosambaa katika nchi kuliko watoa huduma wengine hapa nchini, tunapongeza kauli mbiu hii na kwa kweli Shirika limejipanga katika kuhudumia wananchi katika kuwezesha mafanikio yao kibiashara, kama mnavyofahamu mwaka jana 2017 Shirika letu liliibuka kidedea katika kundi la watoa huduma (Trade Facilitation) na kukabidhiwa ngao ya ushindi na Rais wa Jamhuri ya Muungano wa Tanzania Mhe. Dr. John Pombe Magufuli..

Shirika letu limeanza mikakati ya kufungua vituo “Huduma Express” hapa Posta Mpya Dar es salaam na vingine vitaanza Dodoma, Mwanza, Arusha, Mbeya na Zanzibar. Katika vituo hivi tunaweza kutoa huduma mbalimbali mahali pamoja “One-Stop-Centre” na hii itasaidia sana Serikali kutoa huduma zake kwa wananchi kwa urahisi zaidi. Hii inaenda sambamba na kauli mbiu ya mwaka huu. “POSTA kama Muundo Mbinu muafaka kwa Serikali katika kufikia malengo yake ya maendeleo”.

Pia Dk. Kondo alitumia fursa hiyo kuelezea kwa muhtasari mafanikio na changamoto mbalimbali ambazo Shirika lilikabiliana nazo mwaka jana 2017.

Alielezea kuwa Shirika kwa ujumla lilipata mafanikio makubwa ikiwa ni pamoja na kuzindua nembo mpya mwezi Desemba 2017 na sasa liko kwenye maandalizi ya kuboresha muonekano wa Shirika katika ofisi zake nchini kote.

Nawatakia Heri ya Mwaka Mpya wenye fanaka 2018.

Lt. Col. Mstaafu. Dr. Haruni Kondo
MWENYEKITI WA BODI YA WAKURUGENZI
SHIRIKA LA POSTA TANZANIA